Við Íslendingar erum löngu hætt að kippa okkur upp við að stórstjörnur Hollywood detti hér inn í helgarheimsóknir, en við getum ekki neitað því að hjartslátturinn flökti aðeins meira þegar við sáum á Instagram að sænski sjarmörinn Alexander Skarsgård var hér um helgina.
Það fór ekki mikið fyrir kappanum á samfélagsmiðlum ólíkt Rebel Wilson og Ashley Graham sem voru hér líka um helgina og voru duglegar að sýna aðdáendum sínum landið.
Heppinn aðdáandi hitti á hann við Gullfoss og fékk að sjálfsögðu mynd af sér með leikaranum.
https://www.instagram.com/p/BmDzfb3FQ67/?taken-by=afrodominicano
Leikarinn er þekktur fyrir hlutverk sín í sjónvarpsþáttunum True Blood og Big Little Lies og sem Tarsan í kvikmyndinni The Legend of Tarzan.
