fbpx
Þriðjudagur 11.desember 2018
Bleikt

Ninna Karla: Kvíði er ósýnilegur – „Síðasti sólarhringurinn sést ekki á þessari mynd“

Erla Dóra Magnúsdóttir
Fimmtudaginn 6. desember 2018 18:00

Ninna Karla Katrínardóttir setur upp grímu til að fela kvíða sem hún hefur glímt við frá unglingsaldri. Hún vill vekja athygli á því að kvíðinn er ósýnilegur og hvetja okkur öll til að vera góð við hvert annað, en fyrst og fremst okkur sjálf. 

Þetta er gríma mín. Meik, maskar, varalitur, hyljarihighlighter, sólarpúður. Filterað í drasl. Og brosið sem nær ekki alla leið til augnanna.

Svona hefst Facebook- færsla Ninnu Körlu Katrínardóttur sem glímir við kvíða. „Ég svaf ekkert í nótt. Ég reyndi, en ég gat það ekki. Svona hagar vinur minn, kvíðinn sér stundum,“ segir hún í hjartnæmri færslunni, en hún vill vekja athygli á því að kvíði er ósýnilegur kvilli ólíkt fótbroti, öðrum slysum eða veikindum og að kvíðasjúklingar beri oft grímu til að felast.

Syngur burt kvíða

Ninna er 33 ára gamall kvíðasjúklingur. Vinur hennar kvíðinn gerði fyrst vart við á unglingsárunum og þurfti hún upp frá því að læra að lifa með honum. Kvíðinn hefur orðið henni svo yfirþyrmandi að hún hefur misst úr vinnu. Gerir hann helst vart við sig á álagstíma á borð við jólin, sem einmitt eru á næsta leiti.  Hún segir í færslu sinni: „Síðasti sólarhringurinn sést ekki á þessari mynd. Grátköstin, vanlíðanin, áhyggjurnar, hugsanirnar.“

Kvíðinn er aldrei velkominn en hann gerir ekki boð á undan sér. Ninna hefur tileinkað sér ýmsar leiðir til að kljást við kvíðann. Hún gaf blaðamanni nokkur dæmi um hennar leiðir til að vinna gegn honum. „Ég fer til dæmis í sturtu, og syng eða bara syng og spila á hljóðfæri. Mér finnst líka afslappandi að mála mig eða kíkja út í göngutúr.“ Stundum hellist kvíðinn þó yfir af slíkum ofsa að ómögulegt er að kæfa hann í fæðingu. „Síðasti sólarhringur var þannig.“

Kvíði

Kvíði er náttúrulegt viðbragð mannskepnunnar við hættu. Sjónin okkar skerpist, heyrnin líka, hjartsláttur eykst til að dæla blóði hraðar í vöðva líkamans til að búa okkur undir að slást eða flýja. Í kvíðasjúklingum er þetta viðbragð hins vegar ýkt og fer líkaminn í þennan baráttuham við minnsta áreiti, jafnvel bara hversdagslegar hugsanir. Heilinn virðist túlka allskyns aðstæður sem hættu og sendir líkamanum boð um að búa sig undir það versta. Á vef Geðhjálpar segir að um 12 prósent Íslendinga þjáist af kvíða og þá frekar konur heldur en karlmenn. Ýmsar meðferðarleiðir eru í boði í dag og að mati Geðhjálpar er undarlegt að fleiri leiti sér ekki hjálpar, sérstaklega þegar horft er til þess hversu neikvæð áhrif kvíðinn hefur á líf manna.

Verum okkar eigin bestu vinir

Ninna deilir færslu sinni ekki til fá vorkunn og hún er ekki á höttunum eftir ráðleggingum. „Ég vil einfaldlega að þið hafið það bak við eyrað að kvíðinn er ekki sýnilegur. Það er mjög einfalt að setja á sig grímu og fela hann.“

„Þrátt fyrir grímuna má maður sjálfur ekki gleyma að rækta sjálfa sig og hugsa vel um sig.“, segir hún við blaðamann og hvetur kvíðasjúklinga til að fara vel með sig og huga vel að sjálfsrækt. „Verum góð við aðra og verum sérstaklega góð við okkur sjálf“

„Ég er mín eigin besta vinkona“ segir hún, enda er það Ninna sjálf sem þarf að lifa með kvíðanum á hverjum einasta degi.

View this post on Instagram

Þetta er gríman mín. Meik, maskari, varalitur. Hyljari, highlighter, sólarpúður. Filterað í drasl. Og brosið sem nær ekki alla leið til augnanna. Síðasti sólarhringur sést ekki á þessari mynd. Grátköstin, vanlíðanin, áhyggjurnar, hugsanirnar. Ég svaf ekkert í nótt. Ég reyndi, en ég gat það ekki. Svona hagar vinur minn, kvíðinn, sér stundum. Hann er aldrei velkominn í heimsókn og ég kann ýmsar aðferðir til að losa mig við hann þegar ég finn að hann er að koma en stundum brýst hann inn af svo miklum hraða og krafti að ég ræð ekki við hann. Síðasti sólarhringur var þannig. Af hverju er ég að segja ykkur þetta? Ég er ekki að biðja um vorkunn, ég er ekki að biðja um ráð. Ég vil einfaldlega að þið hafið það á bakvið eyrað að kvíðinn er ekki sýnilegur. Það er mjög einfalt að setja á sig grímu og fela hann. Don't judge a book by it's cover, kvíðinn lítur allskonar út. Verum góð við aðra og verum sérstaklega góð við okkur sjálf. ❤

A post shared by Ninna Karla Katrínardóttir (@ninnakarla) on

Sjá einnig: 
Þréttán atriði sem fólk með kvíða vill að þú vitir
Kvíði – hvað getum við foreldrar gert
Fimm leiðir til að dempa kvíðann
Þjáist þú af kvíða? 14 ráð til þess að uppræta streitu og kvíða
Förðun hjálpar Ingibjörgu að takast á við kvíða: Þetta er frelsi, ég get orðið hvers sem er
Erla Dóra Magnúsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 1 viku

Tvíburasystur berjast fyrir lífi sínu – Áttu að grenna sig til að gera kinnbeinin sýnilegri

Tvíburasystur berjast fyrir lífi sínu – Áttu að grenna sig til að gera kinnbeinin sýnilegri
Bleikt
Fyrir 1 viku

Ekki treysta myndunum á Instagram! Þótt ótrúlegt sé er þetta sama fólkið

Ekki treysta myndunum á Instagram! Þótt ótrúlegt sé er þetta sama fólkið