fbpx
Fimmtudagur 18.júlí 2019  |
Bleikt

Listin að eldast vel

Ritstjórn DV
Laugardaginn 15. júní 2019 13:00

Í góðu formi Aldur er afstæður ef maður lifir á réttan hátt.

Ekki missa af Helstu tíðindum dagsins í pósthólfið þitt

Lesa nánar

Allir eldast með hverju árinu, hverjum deginum og hverri sekúndunni. En það er hægt að hægja á einkennum öldrunar með því að tileinka sér rétt líferni. Öldrun fylgir ekki aðeins hrörlegra útlit heldur alvarleg heilsufarsvandamál. Finna má góð ráð til þess að hægja á öldrun á vef læknisins Kellyann Petrucci sem hefur sérhæft sig í því.

Borðaðu heilsusamlegt og lífrænt fæði

Matur er mikilvægasti þátturinn í lífi okkar allra og það er ekki sama hvað við setjum ofan í okkur. Unninn matur er einn mesti vágestur samtímans. Í honum er lítið af næringarefnum en sægur af hvítum sykri, slæmum fituolíum, litarefnum, skordýraeitri og fleiri óæskilegum efnum.

Þessi efni hafa mjög slæm áhrif á heilsuna til lengri tíma. Þau stytta litningsenda erfðaefnisins og skemma frumur í húð, heila, sinum svo að dæmi séu tekin.

Til að hægja á einkennum öldrunar er mælst til þess að fólk borði mikið af litríku grænmeti af öllum gerðum. Einnig ávexti og hnetur sem innihalda heilsusamlegar fituolíur og ólífuolíu. Ef kjöt er lagt sér til munns skal það aðeins vera af dýrum sem eru grasbítar og svo kjúklingur.

Ofneysla áfengis er vitaskuld skaðleg til lengri tíma og veikir lifrina. Haltu þig við eitt glas af léttvíni á dag.

Kollagen er besta næringarefnið gegn öldrun því það styrkir húðina, hárið, neglur, bein og liði. Ef fólk innbyrðir nóg af kollageni verður öll hreyfing í ellinni auðveldari og auk þess hamlar það hrukkumyndun. Hægt er að fá kollagen í púðurformi en besta náttúrulega leiðin til að innbyrða kollagen er að drekka beinaseyði.

Hreyfðu þig á hverjum degi

Nýjar vöðva- og beinfrumur myndast aðeins ef maður hreyfir sig reglulega. Án hreyfingar hrörna vöðvarnir og bein langtum hraðar en annars.

En hreyfing hefur ekki aðeins áhrif á bein og vöðva heldur minnkar hún ýmsar bólgur sem fylgja öldrun. Þetta er stærra mál en það hljómar því þetta minnkar líkurnar á ýmsum sjúkdómum, til dæmis hjartasjúkdómum, sykursýki og krabbameini.

Er þá eina leiðin til að eldast ekki að púla endalaust í ræktinni eða skokka klukkutímum saman? Nei, alls ekki. Mikil átök í stuttan tíma, kannski ekki nema tíu mínútur á hverjum degi, gera meira til að hægja á áhrifum öldrunar. En auðvitað hjálpar öll hreyfing, hvort sem það eru göngutúrar, íþróttir eða jafnvel aðeins að taka til hendinni í garðinum.

Varaðu þig á eiturefnum

Hér gildir það sama og um mataræðið. Eiturefni hafa skaðleg áhrif á heilsuna til langs tíma og áhrifin koma oft fram á síðustu árum ævinnar. Þessi eiturefni geta verið hvar sem er í umhverfinu.

Besta ráðið er það sama og allir læknar gefa: Hættu að reykja. Við vitum öll hvaða áhrif tóbaksreykur hefur á heilsuna og það er óþarfi að tíunda það hér.

Plast er meinsemd, ekki aðeins fyrir umhverfið heldur líkamann líka og plastagnir geta læðst inn í líkamann á ýmsa vegu. Besta leiðin til að koma í veg fyrir að innbyrða plastagnir er að hætta að drekka úr plastflöskum og plastmálum. Nota frekar ílát úr ryðfríu stáli.

Ál er einnig slæmt fyrir heilsuna og hefur verið tengt við þróun Alzheimers-sjúkdómsins. Því skal hvorki nota álpappír við matseld né drekka úr áldósum.

Óæskileg efni geta verið í snyrtivörum og kremum. Oftast eru slæmu efnin í vörum sem hafa lykt en þær góðu lyktarlausar.

Ein besta leiðin til að losa líkamann við eiturefni er að fasta en þá til skamms tíma í senn. Ein aðferð til að gera þetta er að sleppa mat tvo daga í viku. Á þeim dögum er samt heimilt að drekka te, kaffi, beinaseyði og vatn að sjálfsögðu. Önnur aðferð er að lengja tímann milli máltíða í sjö eða átta klukkutíma. Hvað varðar máltíðirnar sjálfar ber að hafa þau ráð sem gefin voru fyrr í greininni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Kylie Jenner deilir nektarmynd úr fríinu

Kylie Jenner deilir nektarmynd úr fríinu
Bleikt
Fyrir 3 dögum

Stjörnuspá vikunnar: Slúður og baktal – Ástarsorgin setur sitt mark á lífið

Stjörnuspá vikunnar: Slúður og baktal – Ástarsorgin setur sitt mark á lífið
Bleikt
Fyrir 5 dögum

Sara deilir myndum þar sem hún sýnir muninn á Instagram og raunveruleikanum

Sara deilir myndum þar sem hún sýnir muninn á Instagram og raunveruleikanum
Bleikt
Fyrir 5 dögum

Svona gerði Hildur Hlín upp pallinn – Sjáðu myndirnar

Svona gerði Hildur Hlín upp pallinn – Sjáðu myndirnar
Bleikt
Fyrir 1 viku

Brúðkaupsstjórar deila hryllingssögum úr bransanum: „Móðir brúðarinnar sló hann utanundir“

Brúðkaupsstjórar deila hryllingssögum úr bransanum: „Móðir brúðarinnar sló hann utanundir“
Bleikt
Fyrir 1 viku

Kim Kardashian segir frá versta sársauka sem hún hefur upplifað – Tengist ekki barneignum

Kim Kardashian segir frá versta sársauka sem hún hefur upplifað – Tengist ekki barneignum

Tarot Spil

Veldu þér spil og sjáðu spádóm þinn.