Game of Thrones stjarnan Sophie Turner opnar sig um kynhneigð sína í viðtali við Rolling Stones á dögunum. Leikkonan talar einnig um unnusta sinn, Joe Jonas.
„Ég held að þegar þú hefur fundið réttu manneskjuna, þá bara veistu það. Mér finnst eins og ég sé mikið eldri sál heldur en ég er gömul. Mér finnst eins og ég hef lifað nógu lengi til að vita það. Ég hef kynnst nógu mörgum strákum til að vita það, ég hef kynnst nógu mörgum stelpum til að vita það,“ segir Sophie.
„Allir prófa. Það er hluti af því að þroskast. Ég elska sál, ekki kyn.“
Sophie hefur áður gefið til kynna að hún sé ekki gagnkynhneigð en hefur sagt að hún vill ekki flokka sig (e. label).“
„Það er flokkur fyrir allt núna, sem er í lagi, því sumir þurfa á því að halda. Ég hef aldrei setið og hugsað um kynhneigð mína í marga klukkutíma. Þetta er eins og Shailene Woodley sagði: „Ég verð ástfangin af persónuleikum og ekki fólki eða kyn þeirra,“ segir Sophie.
„Ég er ekkert á móti fólk sem vill flokka sig, en mér finnst líka að það komi engum við. Gerðu það sem þú vilt.“
Kyssir skjásystur sína
Í öðru viðtali við Glamour fyrr í mánuðinum sagði Sophie að hún elskar að kyssa meðleikara sinn Maisie Williams, sem leikur Aryu Stark í Game of Thrones. Sophie sagði einnig að fólk héldi oft að þær væru par því þær eru svo nánar.
„Þó svo að við séum systur [í Game of Thrones] þá reyndum við að sníkja inn kossi í hvert atriði sem við gerðum saman til að fríka aðra út. Það hélt þeim á tánum að fylgjast með handritinu,“ sagði Sophie.
Leikkonan hefur einnig sagt að hún vill að Sansa Stark sé tvíkynhneigð. „Í Game of Thrones heiminum þá held ég að hún verði að fara í hina áttina því þessir karlmenn eru ekki að virka fyrir hana.“
Aðspurð hverjum hún vill að Sansa endi með svaraði hún: „Örugglega Margaery, eða Aryu, ég myndi vilja sjá það gerast. Ég myndi elska ástaratriði milli Aryu og Sönsu.“