Sólhrafn, eða Hrafn eins og hann er kallaður, er 24 ára transmaður. Frá unga aldri vissi Hrafn að BDSM væri eitthvað sem heillaði hann. Hann tekur virkan þátt í BDSM senunni á Íslandi og segir frá þessu í viðtali við Makamál á Vísi.
Hrafn gekk í BDSM félagið sumarið 2016. Hann segir að BDSM félagið sé „fyrst og fremst fræðslufélag, við stöndum fyrir námskeiðum og fyrirlestrum, bæði fyrir meðlimi félagsins og aðra.“ Hrafn nefnir námskeiðið BDSM 101, þar sem farið er yfir allt það sem byrjendur þurfa að vita áður en lengra er haldið.
Hrafn segir honum finnist kynfræðsla ættti að byrja fyrr. „Fólk [þarf] að gera sér grein fyrir því að krakkar eru forvitnir og því er betra að fræða þau fyrr. Að segja hvað er viðeigandi og hvað ekki, segja að það sé í lagi og að það sé ekkert að þeim,“ segir Hrafn.
Leikpartí á sunnudögum
Hrafn vekur athygli á að fólk ruglar oft BDSM félaginu og fólkinu í senunni saman og minnist á leikpartíin.
„[Leikpartíin] eru ekki á vegum félagsins heldur fólks í senunni, þau eru alltaf einu sinni í mánuði og haldin á sunnudegi. Það kostar 4000 krónur ef þú ert ekki búin að skrá þig á gestalistann, annars er það 2000 krónur. Það er alveg fjör í þessum partíum en þetta eru þó ekki einhverskonar klikkaðar orgíur. Mest er verið að binda á allskonar vegu, flengja, spjalla saman og bara hafa gaman. Áfengi er ekki bannað en ef þú ert fullur þá er bannað að taka þátt í leikjum. Það eru síðan Dýflyssustjórnendur sem sjá til þess að fólk sé að fylgja settum reglum,“ segir Hrafn við Makamál.
Opnu sambandi
Eins og fyrr segir vissi Hrafn frá unga aldri að BDSM væri eitthvað sem heillaði hann og segist hann sjá tengingu á milli hegðunar sinnar sem barns og BDSM hneigðar sinnar í dag.
„Það eru vissir hlutir sem ég gerði eða fannst gaman að gera [í barnæsku] sem er alveg hægt að tengja við BDSM. Til dæmis fannst mér gaman að vera haldið niðri, örugglega tilfinningin um að vera varnarlaus?“
Hrafn á kærasta og eru þeir í opnu sambandi. „Kynhneigðin mín er svolítil flækja og ég í rauninni hef ekkert eitt orð fyrir hana. En ef ég er hrifinn af einhverjum þá kemur BDSM fyrst, það er á topp fimm listanum yfir það sem ég þarf í sambandi.“
Hægt er að lesa viðtalið við Hrafn í heild sinni á Vísi.
