Jenna Hurley deilir átakanlegum myndum á Facebook. Á myndunum má sjá áverka á henni eftir hrottalegt ofbeldi barnsföður hennar. Hún ákvað að deila myndunum eftir að dómur gegn barnsföður hennar var kveðinn upp, en hún er ekki sátt við dóminn. Hún skrifar:
„Þetta er svo erfitt. Að deila því opinberlega hvað gerðist. En í dag sat ég í dómsal og heyrði hversu lengi barnsfaðir minn þarf að sitja inni fyrir að hafa beitt mig ofbeldi. Hann notaði þá afsökun að hann hefði drukkið of mikið áfengi, þó svo að það voru önnur skipti þar sem hann var edrú.
Hann var dæmdur til 21 mánaða fangelsisvistar. En vegna hvernig kerfið okkar virkar mun hann líklegast losna eftir sex mánuði og fyrir mig er það ekki nógu gott.
Ég er ekki að sækjast eftir vorkunn með þessari færslu. Mér finnst ég sterkari en ég hef nokkurn tímann verið. En ég mun ekki leyfa þessum manni að þagga niður í mér eina sekúndu í viðbót og ég gæti ekki fyrirgefið sjálfri mér ef hann gerir þetta við einhverja aðra. Hann á sér sögu og hefur ráðist á fyrrverandi kærustu.
Hann er ógeðslega stjórnsamur og eftir bara sex mánuði gæti hann verið gangandi göturnar í leit að sínu næsta fórnarlambi.
Ef þú ert með einhverjum sem er að stjórna þér, hræðir þig, reynir að stöðva þig í að eiga vini eða vinna. Ég veit að það er erfitt en FARÐU. Taktu börnin, skildu veraldlegu hlutina eftir. Í svo mörg skipti langaði mig að fara og segja einhverjum hvað væri í gangi. En ég átta mig á því núna að það er fullt af hjálp þarna úti. Segðu einhverjum frá. Börnin mín hefðu getað endað með að missa móður sína.
Dömur mínar og herrar, handaverk Mark Whiteside.“