Gildir frá 28. júlí til 3. ágúst
Hrútur
21. mars–19. apríl
Þú ert svakalega dugleg/ur og finnur fyrir auknum krafti þessa vikuna. Allt í einu klárast öll hálfkláruð verk og skap þitt hefur sjaldan verið betra. Þú laðar að þér áhugaverða manneskju sem getur haft mikil áhrif á líf þitt ef þú hleypir henni að þér.
Naut
20. apríl–20. maí
Þú ert mjög upptekin/n af því að hafa röð og reglu á öllu í kringum þig og fegra heimilið. Sumartiltektin gengur ofboðslega vel og þú nærð að losa þig við alls konar drasl sem hefur verið að pirra þig undanfarið – ekki aðeins heima fyrir heldur einnig á sálinni.
Tvíburar
21. maí–21. júní
Þú hefur verið að sökkva þér í vinnu síðustu vikur en nú verður breyting á. Það eru hins vegar vandamál heima fyrir sem þú gætir verið að gera miklu stærri en þau eru í raun og veru. Ekki halda alltaf það versta um allt og alla.
Krabbi
22. júní–22. júlí
Þú skalt hamra járnið á meðan það er heitt í hvers kyns viðskiptatækifærum sem gefast. Það gæti gefið mjög vel í aðra hönd og þú uppgötvar algjörlega nýjan starfsvettvang sem gæti orðið gjöfull til framtíðar.
Ljón
23. júlí–22. ágúst
Þú hefur haldið þig til hlés undanfarið en nú er breyting á. Það eru alls kyns skemmtilegar skemmtanir framundan og lífið leikur við þig. Þú skalt samt vara þig á manneskju sem stendur þér mjög nærri. Hún er ekki öll þar sem hún er séð.
Meyja
23. ágúst–22 .sept
Þú hefur tekið mjög erfiðar ákvarðanir upp á síðkastið og það er mjög mikill léttir að hafa tekist á við þá erfiðleika. Nú eru bara bjartir tímar framundan, spennandi ferðalag og virkilega góður gæðatími með fjölskyldunni.
Vog
23. sept–22. okt
Hverju langar þig að deila með heiminum, elsku vog? Nú er þinn tími til að láta ljós þitt skína því þú getur haft svo mikil áhrif ef þú setur þér markmið og stefnir að þeim. Það er eitthvert nettengt tækifæri handan við hornið sem gæti gert þig auðuga/n.
Sporðdreki
23. okt–21. nóv
Næstu vikur verða mjög annasamar hjá þér, elsku sporðdreki. Þú ert í krefjandi verkefni sem á hug þinn allan og það má segja að þetta verkefni marki kaflaskil í þínu lífi. Keppnisskapið umlykur þig og þú getur náð svo ótrúlega langt.
Bogmaður
22. nóv–21. des
Þú ert að velta fyrir þér að setjast aftur á skólabekk, jafnvel erlendis. Annaðhvort það eða að búa til námskeið um það sem þú ert best/ur í vinnulega séð. Einhleypir bogmenn hafa brynjað sig fyrir ástinni þar til núna þegar að óvæntur elskhuga bankar á dyr.
Steingeit
22. des–19. janúar
Þvílíkur hiti hjá steingeitinni í þessari viku. Rómantík og kynlíf á vikuna og þér líður eins og unglingi aftur. Hjá einhleypum steingeitum er það algjörlega ókunnug manneskja sem kveikir í þessum þrám … en hún verður ekki ókunnug lengi.
Vatnsberi
20. janúar–18. febrúar
Þér finnst eins og þú sért aðeins búin/n að missa tökin þegar kemur að ástalífinu. Hvort sem þú ert einhleyp/ur eða lofuð/aður þá ertu búin/n að gefa alltof mikið af þér til hins aðilans. Taktu skref til baka og spurðu þig einfaldlega: Er ég ekki meira virði en þetta?
Fiskar
19. febrúar–20. mars
Þú færð heilbrigði og hreysti á heilann og ætlar nú í eitt skipti fyrir öll að ná tökum á því. Það gengur mjög vel svo lengi sem þú setur þig í fyrsta sæti. Vittu til, allir nánir þér munu líka njóta góðs af nýja þér.
28. júlí – Ágústa Eva Erlendsdóttir leikkona, 37 ára
30. júlí – Tryggvi Guðmundsson knattspyrnukappi, 45 ára
31. júlí – Tinna Alavis lífsstílsgúrú, 34 ára
1. ágúst – Vernharð Þorleifsson, grínari og fasteignasali, 46 ára
2. ágúst Guðni Halldórsson kvikmyndaklippari, 45 ára
3. ágúst – Ólafur F. Magnússon, fyrrverandi borgarstjóri, 67 ára
