Fyrir minna en viku síðan tilkynnti Kim Kardashian að hún væri að byrja með nýja línu af aðhaldsfötum sem fékk nafnið Kimono.
„Loksins get ég deilt þessu verkefni með ykkur. Það hefur verið í þróun síðastliðið ár. Ég hef haft mikla ástríðu fyrir þessu í fimmtán ár. Kimono eru aðhaldsföt og lausnir fyrir konur sem virka í raun og veru,“ sagði raunveruleikastjarnan á Twitter snemma í síðustu viku.
Nice underwear, but as a Japanese woman who loves to wear our traditional dress,? kimono, I find the naming of your products baffling (since it has no resemblance to kimono), if not outright culturally offensive, especially if it’s merely a word play on your name. Pls reconsider
— Yuko Kato (@yukokato1701) June 26, 2019
Hún var harðlega gagnrýnd fyrir nafnið, Kimono, og sögð hafa tekið nafnið (e. culturally appropriated) úr japanskri menningu, en kimono eru japönsk klæði.
Tveimur dögum eftir að Kim tilkynnti aðhaldslínuna ákvað hún að svara gagnrýninni.
„Ég skil og hef mikla virðingu fyrir mikilvægi kimono í japanskri menningu og ég hef engin plön til að hanna eða senda út frá mér einhver klæði sem myndu líkjast kimono eða óvirða klæðin,“
sagði Kim í yfirlýsingu við The New York Times.
„Ég tók þá ákvörðun að nefna fyrirtækið mitt kimono, ekki til að aftengja orðið frá japönskum rætum þess heldur sem vísun í fegurðina og smáatriðin sem fara í klæði […] Lausnamiðaða merkið mitt er búið til fyrir alla og er í grunninn fjölbreytt og ég er ótrúlega stolt af því sem er á leiðinni.“
Það leit út fyrir að Kim ætlaði að standa með nafninu en aðeins nokkrum dögum seinna ákvað Kim að taka til Twitter og gefa út þessa yfirlýsingu:
„Að vera frumkvöðull og minn eigin yfirmaður hefur verið rosalega gefandi áskorun. Það sem hefur gert það mögulegt í öll þessi ár eru bein samskipti mín við aðdáendur mína og almenning. Ég er alltaf að hlusta, læra og þroskast – þannig ég kann að meta ástríðu fólks og mismunandi sjónarhorn þeirra. Þegar ég tilkynnti nafnið á aðhaldsfatalínunni minni, ég gerði það af góðum ásetningi. Vörumerki mitt og vörur eru gerðar fyrir alla og er fjölbreytni þar í grunninn. Eftir að hafa hugsað um þetta vel go vandlega þá hef ég ákveðið að endurnefna fyrirtækið mitt.“
My brands and products are built with inclusivity and diversity at their core and after careful thought and consideration, I will be launching my Solutionwear brand under a new name. I will be in touch soon. Thank you for your understanding and support always.
— Kim Kardashian West (@KimKardashian) July 1, 2019
Kim sagði ekki hvað hún ætlar að nefna fyrirtækið en sagði að hún myndi vera „í sambandi bráðlega.“