Instagram fyrirsætan Natalia Garibotto, 26, ára, þénar rúmlega 37 milljón krónur á ári fyrir að deila myndum á Instagram.
Hún þénar allt að 620 þúsund krónur fyrir eina færslu og fær fjölda bónorða á hverjum degi.
Yfir 1,3 milljón manns fylgja Nataliu á Instagram en hún segir að stærstu aðdáendur hennar eru foreldrar hennar.
„Fjölskylda mín er ótrúlega stolt af mér, þó þau kvarti stundum yfir hvernig myndum ég deili,“ segir Natalia við The Sun.
Natalia er einhleyp og fær fjölda skilaboða frá karlmönnum á hverjum degi. Hún þarf þó reglulega að „blokka“ karlmenn sem senda henni óviðeigandi skilaboð eða myndir.
Natalia byrjaði fyrst að þéna á Instagram fyrir tveimur árum síðan.
„Ég elska hvernig ég veiti bæði konum og körlum innblástur að fara í ræktina á hverjum degi og hvernig ég hvet þau að reyna fyrir sér og þéna pening,“ segir fyrirsætan.
Hún segir að leyndarmálið á bakvið fullkomna Instagram færslu sé að einblína á „fullkomna lýsingu, myndatexta og að það sé hægt að tengja við myndina.“
„Sumir halda að þeir þurfa að deila ákveðnum myndum til að fá „likes,“ en hver mynd er öðruvísi. Það sem virkar fyrir eina manneskju virkar kannski ekki fyrir aðra,“ segir Natalia.
Fyrirsætan þénar yfir 37 milljón krónur á ári, bæði frá Instagram og öðrum verkefnum. „Þetta tekur klárlega tíma. Þú þarft að eyða miklum tíma í Instagram síðuna þína svo hún getur stækkað og fólk sé að skoða hana.“
En það eru líka neikvæðar hliðar þess að vera samfélagsmiðlastjarna.
„Að treysta fólki er erfitt því Instagram fylgjendur er gjaldmiðill sem allir vilja. Þetta hefur eyðilagt vinskap og sambönd hjá mér,“ segir hún.
https://www.instagram.com/p/BzlNDakHKIh/