Það er ekki auðvelt að koma sér í form og hvað þá létta sig. Stundum stendur þyngdartapið í stað og ekkert virðist vera að gerast, sama hversu mikið þú djöflast í ræktinni eða borðar hollt.
Þyngdartap getur verið flókið ferli og eitt af því erfiðasta er að finna hvatninguna til að halda áfram í stöðnun.
Nokkrar konur deildu því með Women‘s Health Magazine hvað lét þær halda áfram þegar þyngdartapið stóð í stað.
Cortland West, 24 ára, hefur misst 36 kg.
„Í hvert skipti sem mig langar að gefast upp – treystu mér, mig langar það stundum enn þá – þá minni ég mig á stelpuna í þessum myndum og hversu óhamingjusöm hún var. Ég vil aldrei horfa í spegil og sjá hana aftur. Það drífur mig áfram. Ég hef komist of langt til að staðna.“
Vivian Wolf, 44 ára, hefur misst 18 kg.
„Ég veit að það hljómar kjánalega, en þú verður að finna þína ástæðuna, þitt „af hverju.“ Síðasta sumar áttaði ég mig á því að ég væri að verða 45 ára, myndi halda upp á 20 ára brúðkaupsafmæli og fara til Perú í sjálfboðavinnu. Ég vissi að ég hefði ár til að koma mér í form í fyrsta sinn eftir að ég átti börnin mín.
Ég vildi ekki vera í ofþyngd fyrir þessa atburði og ég vildi ekki vera of þung á meðan ég væri að ganga um fjöll Perú. Ég vildi geta hjálpað fólki. Þannig í gegnum þetta ferli, þegar þyngdartap mitt stóð í stað, minnti ég mig á af hverju ég er að þessu.“
Jessica Hudson, 29 ára, hefur misst 17 kg.
„Þyngdartapsferlið tekur tíma og til að láta tímann líða hraðar, sérstaklega þegar það stendur í stað. Þá einbeiti ég mér að því að styrkjast. Ég trúi að það er mun erfiðara að hugsa um stöðnun þegar þú skilur hvað það hefur mikil áhrif að hugsa um styrk.“
Kenzie Pittman, 26 ára, hefur misst 20 kg.
„Ég kveiki aftur á drifkraftinum með því að segja mér stanslaust hversu vel mér líður þegar ég hreyfi mig og borða hollt. Að tala jákvætt við sjálfa mig hefur hjálpað mér í öllu þessi ferli, og stundum þarftu að segja þessa hluti upphátt fyrir framan spegillinn.“
Cori Magnotta, 34 ára, hefur misst 38 kg.
„Ég fylgdist með hversu margar kaloríur ég var að borða í fjóra mánuði og léttist, en skyndilega stóð þyngdartapið mitt í stað. Ég þurfti að hreyfa mig en fannst það ömurleg tilhugsun að stíga fæti inn í ræktina. Síðan uppgötvaði ég húllahrings-fitness og það varð að ástríðu minni. Næstu mánuði komst ég yfir stöðnun með því að einblína á að hafa gaman.
Með því að hafa gaman þá náði ég að halda áfram að borða hollt og hreyfa mig reglulega, meira að segja þegar það hægðist á þyngdartapinu. Það er ekki hægt að brosa ekki þegar þú ert að húlla!“
Leandie Williams, 33 ára, hefur misst 45 kg.
„Ég á í skrýtnu ástarsambandi við stöðnun. Ég hef lært að hugsa það sem leið til að kenna mér þolinmæði og þrautseigju. Hins vegar langar flestum okkar að gefast upp. En í staðinn, læt ég stöðnun veita mér innblástur og finna hvað hvetur mig áfram og átta mig á því að þetta er hluti af ferlinu.“
Joanna Wilcox, 33 ára, hefur misst 30 kg.
„Það getur verið mjög svekkjandi þegar þú gerir allt „rétt“ og færð ekki niðurstöðurnar sem þú vilt. En þetta snýst um þolinmæði.
Þegar ég þarf hvatningu á að halda til að koma mér í gegnum stöðnun, þá einblíni ég á sigra sem tengjast ekki vigtinni. Eru fötin víðari? Geturðu stjórnað því sem þú borðar? Líður þér betur? Ef já, þá ertu að ná árangri.“
Emily Powers, 24 ára, hefur misst 54 kg.
„Þyngdin mín stóð í stað einn og hálfan mánuð, og það var svo pirrandi. Ég þurfti að minna mig sjálfa á að halda áfram og vera þolinmóð. Þyngdartap gerist ekki yfirnóttu og með engri skammtímalausn. Þú verður að muna að hver heilbrigð ákvörðun sem þú tekur er rétt ákvörðun. Þó svo að vigtin endurspeglar það ekki, þá þýðir það ekki að það sé ekki þess virði.“