Lady Gaga hefur loksins rifið þögnina um sambandsslitin við fyrrverandi unnusta sinn, Christian Carino.
Síðastliðið sunnudagskvöld var söngkonan að koma fram á sýningu sinni, Jazz & Piano, í Las Vegas. Hún minntist stuttlega á sambandsslitin við Christian Carino þegar hún var að fara að syngja lag sem minnti hana á hann.
„Síðast þegar ég söng þetta lag var ég með hring á fingrinum, þannig það verður öðruvísi í þetta skiptið,“ sagði Lady Gaga við áhorfendur. Hún söng svo lagið „Somone to Watch Over Me.“
Lady Gaga og Christian Carino slitu trúlofun sinni fyrr á árinu. Orðrómar fóru fyrst á kreik um sambandsslit þeirra 10. febrúar og var það síðan staðfest 20. febrúar.
Í kjölfarið fóru nýir orðrómar af stað og voru margir sannfærðir um að Lady Gaga og Bradley Cooper væru ástfangin eftir flutning þeirra af „Shallow“ á Óskarsverðlaunahátíðinni. Fólk taldi söngkonuna hafa hætt með Carino fyrir Cooper.
Sjá einnig: Raunverulega ástæðan fyrir því að Lady Gaga hætti með Christian Carino
Svo var ekki því samkvæmt US Magazine ákvað Lady Gaga að slíta sambandinu því Christian var afbrýðisamur og stjórnsamur.
Lady Gaga og Christian trúlofuðu sig árið 2017 en samkvæmt heimildum US Weekly þá var tveggja ára sambandið slæmt í lokin.
„Hann var afbrýðisamur. Hann var alltaf að reyna að finna hana og sendi henni mikið af skilaboðum. Vinir hennar voru ekki hrifnir af honum heldur,“ segir heimildamaður US Weekly.
