Það er misjafnt hvort börn séu í framvísandi eða bakvísandi bílstól eftir eins árs aldur. Það er öruggara að þau séu í bakvísandi stól og sýnir ein mynd ástæðuna fyrir því.
„Ég er alltaf að tala um öryggi bílstóla. ÞETTA ER ÁSTÆÐAN. Þetta sæti var bakvísandi og það var eins árs gamalt barn í stólnum. Margir eru með börnin sín í framvísandi bílstól eftir að þau verða eins árs. Ég gerði það með mitt fyrsta barn. Ég sé eftir því og ég er heppin að ekkert gerðist,“ skrifaði móðir á Natural Parenting Mommas Facebook síðuna.
„Móðir var að keyra og lenti í hálku svo bíllinn valt. Eina sem kom fyrir barnið var brotinn lærleggur en það hefði svo mikið verra getað gerst. Sjáið þið bílstólinn? HANN VARÐI SAMT BARNIÐ.
Nákvæmlega þessi bílstóll kostar 12 þúsund krónur. Þetta er ekki „flottur“ bílstóll en sýnir jafnframt að þú þarft ekki að eyða miklum peningum til að halda barni þínu öruggu. Lestu handbókina að bílstólnum. Vertu með hann á hreinu. Og bara þó það standi að þú getur haft bílstólinn framvísandi eftir að barnið sé X kg, það þýðir ekki að þú ættir að gera það.
Börn eru fimm sinnum öruggari í bakvísandi bílstól heldur en framvísandi. Samkvæmt rannsókn í tímaritinu Injury Prevention frá árinu 2007 eru börn undir tveggja ára allt að 75 prósent ólíklegri til að deyja eða verða fyrir alvarlegum áverkum ef þau eru í bakvísandi bílstól.
Notaðu bílstólinn rétt í hvert einasta skipti. Líf barns þíns reiðir á því.“