Kylie Jenner vill hafa hlutina á hreinu. Fyrrverandi hafnaboltakappinn Alexander Rodriquez, eða A-Rod, eins og hann er betur þekktur, var í viðtali við Sports Illustrated á dögunum. Hann sagði frá upplifun sinni af Met Gala fyrr á árinu, þar á meðal einkasamtali sínu við Kylie Jenner.
A-Rod fór með unnustu sinni og stórstjörnunni Jennifer Lopez á Met Gala. Hann rifjar upp viðburðinn og með hverjum parið var með á borði þetta kvöld:
„Við vorum á frábæru borði,“ sagði A-Rod. Á borðinu voru meðal annars Kylie og Kenall Jenner, Donnatella Versace og Idris Elba.
„Við vorum með Kylie og Kendall. Og við vorum með asískan herramann úr Rich Asians, aðalleikarann,“ sagði hann. „Kylie var að tala um Instagram og varalitinn sinn og hversu rík hún er.“
Áhugavert samtal, en það er ekki það sem gerðist samkvæmt Kylie.
Hún segir að samtalið þeirra tveggja hafi verið mestmegnis um Game of Thrones.
„Umm nei ég gerði það ekki. Við töluðum bara um Game of Thrones,“ skrifaði raunveruleikastjarnan á Twitter eftir að ummæli A-Rod vöktu mikla athygli vestanhafs.
A-Rod svaraði Kylie á Twitter: „OMG það er rétt. Það var ég sem talaði um þig og snyrtivörulínuna þína og hversu mikið stelpurnar mínar elska þig.“
Þá höfum við það.
Ekki er vitað af hverju A-Rod fór með rangt mál varðandi það sem Kylie sagði, hann hefur ekkert skýrt frá því nánar.
