Raunveruleikastjarnan og athafnakonan Kim Kardashian lét sig ekki vanta í Met galaveisluna og bókstaflega geislaði í þröngum kjól frá Mugler. Kim virtist vera nýstigin upp úr sjónum og var að mati margra en best klædda konan þetta kvöld.
Sjá einnig: Stjörnurnar glæsilegar á rauða dreglinum á Met Gala.
Það var í raun sýn hönnuðarins að Kim ætti að líta út fyrir að vera þvöl á rauða dreglinum, eins og hún sagði frá í samtali við E! News.
„Hann sá mig fyrir sér sem stúlku frá Kaliforníu að stíga upp úr sjónum og á rauða dregilinn, blaut, vatnið lekandi af mér. Það er stemningin í kvöld.“
Þá útskýrði hún af hverju mittið hennar væri svo agnarsmátt, en hún var í þröngu lífstykki undir fatnaðinum. Hins vegar voru margir sem viðruðu óánægju sína með útlit Kim á Twitter og líkamssmánuðu hana, eins og sést hér fyrir neðan:
Where did Kim Kardashian’s internal organs spend the night at Met Gala? Because I can’t figure out how anatomically possible it would be to fit them all inside that tiny waist.
— ellyce! (@ellycep) May 7, 2019
I wish @KimKardashian would use her platform to speak on things like body positivity but she keeps making her waist unrealistically narrow and her ass unrealistically big. It’s disgusting and gross and why would you even? The shit people with money do
— srbuhi (@srbuhiii) May 7, 2019
Is Kim Kardashian’s waist even real?? ? #MetBall2019
— Nadia (@NadiaPannunz) May 7, 2019
Melissa Alcantara, einkaþjálfari Kim, fann sig knúna til að verja stjörnuna í sögu sinni á Instagram. Með því vildi hún koma nokkrum hlutum á hreint til að þagga niður í neikvæðisröddum.
„1. Þessi kjóll er með lífstykki EN 2. Kim æfir eins og brjálæðingur sex daga vikunnar, fjandinn hafi það. Hún vaknar fáránlega snemma og leggur sig alla fram. 3. Ég hjálpa henni en hún vinnur alla vinnuna! OG ÞAÐ SEM MEIRA MÁLI SKIPTIR: Mér er skítsama um álit ykkar á líkama hennar og hvort ykkur finnst hún gervileg eður ei. Ég hitti hana á hverjum morgni, ég horfi á hana þjálfa og ég sé hana svitna. Ég sé einnig allt sem hún gerir utan ræktarinnar og ÞAÐ er virðingarvert!“ skrifar Melissa.
