Auglæknirinn Patrick Vollmer deildi myndum af augum sjúklings á Facebook. Myndirnar eru vægast sagt rosalegar en þær sýna afleiðingar þess að sofa með augnlinsur.
Sjúklingurinn fékk sár á hornhimnuna eða ‚cultured pseudomonas ulcer‘. Það getur orsakað sjónskerðingu þar sem baktería borðar hornhimnuna.
Yfir 30 milljón manns hafa skoðað myndirnar. Á myndunum má sjá auga konunnar og þykkan, gulan gröft koma úr auga hennar. Við vörum viðkvæma við myndunum.
Dr. Vollmer útskýrir að konan þjáist af cultured pseudomonas ulcer sem er „bein afleiðing þess að sofa með augnlinsur.“
„Bakterían étur hornhimnuna með hraði á nokkrum dögum og skilur eftir hvítan dauðan vef,“ skrifar læknirinn.
Hann segir að konan fór strax á sýklalyf og stera en mun að öllum líkindum vera sjónskert til frambúðar.