Elliott Stoutt, 26 ára kennari hefur grætt meira en fimm milljónir á seinasta ári með því að selja notaðar bækur. Hann segist einungis eyða tíu klukkutímum á viku í þetta aukastarf sitt, en hann starfar sem kennari í grunnskóla í Leeds.
Elliot byrjaði á því að selja borðspil, en fyrsta salan hans var notað Monopoly-spil sem hann keypti á 2,5 pund en seldi fyrir fjörutíu pund.
Hann komst síðan að því að hægt væri að fá meiri gróða með því að selja bækur, en í dag eyðir hann laugardögunum sínum í það að kaupa ódýrar, notaðar bækur. Þetta segir hann í viðali við Daily Mail.
„Ég vil sýna fólki í fullri vinnu að það er hægt að græða aukapening,“ segir Elliot sem hefur verið duglegur að greina frá árangri viðskipta sinna á samfélagsmiðlum.
Elliot gefur nokkur ráð til að ná velgengni í bókasölumarkaðinnum, en hann mælir mikið með því að nota Amazon Seller-appið og að kaupa bækur sem tengjast matargerð, sagnfræði , ljósmyndun og listum.