Rapparinn Cardi B mætti á Billboard-tónlistarverðlaunin í vikunni eins og flestar skærustu stjörnurnar í bransanum. Einhverjum fannst Cardi þó sýna aðeins of mikið af líkama sínum í heiðgulum kjól sem hún klæddist á hátíðinni og gagnrýndu hana fyrir. Gekk einn aðdáandi svo langt að breyta einni mynd af Cardi, þar sem hún var innilega með kærasta sínum, rapparanum Offset, til að láta líta út fyrir að sést hefði í píku hennar á rauða dreglinum.
Cardi ákvað að svara fyrir sig með því að rífa sig úr öllum fötunum baksviðs og birta myndband á Instagram þar sem hún útskýrði líkamsbyggingu kvenna fyrir fylgjendum sínum.
„Fávitarnir ykkar að dreifa þessari andskotans mynd, fótósjoppa hana enn meira og segja: Ó, píkan á Cardi, píkan á Cardi. Þetta er líkamsparturinn hér, þetta er líkamsparturinn sem veitir typpinu ánægju. Vitið þið hvað ég er að tala um?“ segir hún meðal annars í meðfylgjandi myndbandi, en stuttu eftir að hún birti það eyddi hún því út af Instagram.
„Ef þið þráið svona mikið að sjá píkuna mín hefðuð þið átt að sjá mig þegar ég var strippari,“ bætir hún við.
Eftir að Cardi eyddi myndbandinu út birti hún lágstemmdari færslu á Instagram þar sem hún þakkaði aðdáendum fyrir stuðninginn.