Tónlistarkonan Iggy Azalea hefur ekki átt sjö dagana sæla eftir að óprúttnir aðilar komust yfir nektarmyndir af henni og deildu um kjörvalt internetið. Myndirnar virðast vera síðan Iggy sat fyrir fyrir tímaritið GQ árið 2016, en nektarmyndirnar voru ekki notaðar í myndaseríunni í tímaritinu.
Iggy deildi yfirlýsingu vegna þessa máls á Twitter í gær og lýsti viðbrögðum sínum við þessum nektarmyndaleka.
„Í dag er ég uppfull af neikvæðum tilfinningum,“ skrifar Iggy í færslum sem hefur verið eytt. „Mér finnst vera komið aftan að mér, ég skammast mín, finnst á mér brotið, ég er reið, döpur og finn fyrir milljón öðrum tilfinningum. Ekki aðeins af því að ég samþykkti þetta ekki heldur einnig út af andstyggilegum viðbrögðum fólks.“
Iggy reifar athugasemdir sem hún hefur séð á netinu varðandi myndirnar.
„Það hefur komið mér í uppnám þegar ég sé fólk, sérstaklega karlmenn, ganga lengra og deila sínum hugsunum og órum um líkama minn. Ég bugast yfir ógeðslegum hlutum sem fólk segir og mig langar að kasta upp.“
Þá segir Iggy einnig að myndbirtingin hafi haft slæm áhrif á einkalíf sín og líkir lekanum við „kjarnorkusprengju sem springur og eyðileggur þig ekki aðeins andlega heldur skilur eftir algjöra eyðileggingu í einkalífinu.“
Málið er ekki búið og stefnir Iggy á að höfða mál vegna lekans.