Á Íslandi greinast þrjár konur í hverri viku með brjóstakrabbamein en brjóstakrabbamein er sú tegund krabbameins sem flestar konur fá. Mikið hefur verið rætt um brjóstakrabbamein en hvað er rétt og hvað eru ýkjur? Er rétt að ólíklegra sé að krabbamein greinist í litlum brjóstum? Hefur svitalyktareyðir áhrif á sjúkdóminn? Hafðu staðreyndirnar á hreinu.
Mýta: Konur fá brjóstakrabbamein aðallega vegna erfða.
Staðreynd: Samkvæmt American Cancer Society eru aðeins 5–10 prósent tilfella brjóstakrabbameina ættgeng. Á nýja vefnum brjostakrabbamein.is kemur fram að 80 prósent kvenna sem greinast með brjóstakrabbamein þekkja engin dæmi um sjúkdóminn í fjölskyldu sinni. Svo virðist sem lífsstíllinn skipti mestu máli.
Mýta: Lítil brjóst eru í minni hættu.
Staðreynd: Stærð brjóstanna hefur engin áhrif. Brjóstakrabbamein myndast í frumunum í göngunum sem búa til mjólkina og flytja hana að geirvörtunum. Allar konur hafa sama fjölda af göngum, sama hversu stór brjóstin eru. Stærð brjósta fer hins vegar eftir fitumagni.
Mýta: Brjóstakrabbamein byrjar alltaf sem hnúður.
Staðreynd: Um það bil 10 prósent af greindum einstaklingum hafa engan hnúð. Og 80–85 prósent hnúða sem finnast í brjóstum eru góðkynja.
Láttu læknir skoða þig ef:
– þú finnur hnúð.
– útlit eða tilfinning á brjósti eða geirvörtu breytist.
– þú finnur hnúð eða þykkildi undir handarkrika.
– brjóst eða geirvarta er óvenju viðkvæm.
– stærð eða lögun brjóstsins breytist.
– brjóstið er heitt viðkomu.
– húðin er rauð eða bólgin.
– geirvartan losnar af.