Sjónvarpsstjarnan Kris Jenner birti einlæga færslu á Instagram í tilefni mæðradagsins í gær þar sem hún lofsamaði dætur sínar – allar nema eina.
„Til hamingju með mæðradaginn allar fallegu mæðurnar þarna úti og allar konurnar sem eru lærimeistarar og sem mæður einhverra sérstakra,“ skrifar Kim við nokkrar myndir af dætrum sínum og ömmubörnum.
Á myndunum má sjá Kris ásamt dætrum sínum, Kourtney, Kim og Khloé Kardashian og Kylie Jenner. Á myndunum er einnig móðir Kris, Mary Jo „MJ“ Campbell og ömmubörnin True, North, Saint, Chicago, Stormi, Mason, Penelope og Reign. Hins vegar vantar dótturina Kendall Jenner.
„Til stórkostlegrar móður minnar, MJ, ég elska þig meira en þú getur ímyndað þér. Takk fyrir að ala mig upp í að vera sterk og sjálfstæð og fyrir að elska mig,“ bætir Kris við. Þá lofsamar hún fjögur af börnunum sínum sex.
„Til fallegu dætra minna sem eru mæður, ég er svo stolt af ykkur stelpunum og mæðrunum sem þið hafið orðið. Ömmubörnin mín eru svo heppin að Guð valdi ykkur til að vera mæður þeirra.“
Þá merkir Kris alla sem hún talar um í færslunni, en ekki Kendall. Kendall svarar móður sinni hins vegar í athugasemdum á kaldhæðinn hátt með einfaldlega:
„Ég elska þig líka mamma.“
Margir hafa bent á hve slæmt það sé að hún hafi gleymt Kendall, en einhverjir segja það ekkert skrýtið þar sem Kendall sé eina Kardashian-Jenner-dóttirin sem eigi ekki börn. Þá minnist Kris ekkert á son sinn Rob Kardashian og tveggja ára dóttur hans, Dream. Væntanlega út af því Rob er ekki móðir.
