Leikkonan Charlize Theron opnaði sig um einkalífið í viðtali við Entertainment Tonight á ráðstefnunni CinemaCon í Las Vegas í vikunni. Charlize er á ráðstefnuninni til að kynna nýjustu mynd sína, Long Shot.
„Ég hef verið á lausu í tíu ár,“ segir Charlize. „Það þarf bara einhver að girða sig í brók og bjóða mér út. Ég er hræðilega mikið á lausu.“
Meðleikari hennar, Seth Rogen, dobblar þetta: „Hún er að leita!“
Síðasta alvarlega samband sem Charlize var í var með leikaranum Sean Penn. Þau byrjuðu að deita árið 2013 og tilkynntu um trúlofun sína ári síðar. Þau hættu saman í júní árið 2015. Það er því ekki rétt að leikkonan hafi verið á lausu í áratug.
Áður en að Sean Penn bankaði að ástardyrunum var Charlize með leikaranum Stuart Townsend á árunum 2002 til 2010. Þá hafa verið sögusagnir á kreik um að leikkonan sé að stingja saman nefjum með Brad Pitt, en hún hefur ekki staðfest það.
