Það verður seint sagt að Crocs-skór séu fallegir, þó þægilegir séu. Nú hefur Crocs tekið höndum saman við japanska netverslunarrisann Beams og býður upp á Crocs-skó með áföstu veski.
Skórnir sem um ræðir eru tvílitir, bæði fjólu- og túrkísbláir, og er hægt að festa litla veskið að aftan eða að framan.
Skóparið er á 53 dollara, tæplega 6500 krónur, og bætist í stórt og umdeilt safn Crocs-skóbúnaðar sem er í boði á markaðinum.