Það hefur margt gerst hjá Jersey Shore raunveruleikastjörnunum í ár. Mike „The Situation“ Sorrentino afplánar nú átta mánaða fangelsisvist og JWoww er að ganga í gegnum erfiðan skilnað.
„Jenni hefur það frábært. Allir eru að ganga í gegnum sitt eigið rugl núna, þetta er alveg, við ættum að vera með raunveruleika þátt, sem við gerum!“ Segir Snooki í samtali við E! News.
„Þannig, Jenni hefur það frábært. Augljóslega erfiðir tímar, en ég hef aldrei séð hana öruggari og hamingjusamari og þú veist, sumir hlutir ganga ekki upp. Þannig vonandi mun allt ganga upp og þau geta deilt sameiginlegu forræði og sagt þetta gott.“
Snooki ræddi líka um Mike sem afplánar nú fangelsisvist. Snooki sagði að hann hefði sjaldan skemmt sér betur.
„Það er eins og hann sé á elliheimili, hann er að spila bingó, hann er að hjálpa fólki að ná bata í fangelsi,“ sagði hún.
„Við tölum við hann í gegnum tölvupóst og ég tala við hann einu sinni í viku. Hann er mikið í ræktinni þannig hann á örugglega eftir að koma út vel skorinn. Þú veist, hann á ekki eftir að vera með BDS lengur – Big Daddy Sitch. Hann á örugglega eftir að fá sixpakkið sitt aftur. En hann hefur.. hann hefur það gott þarna inni.“
Snooki er ólétt af barni eiginmanns síns, Jionni Lavalle. Þetta er þriðja barn parsins og strákur númer tvö. Fyrir eiga þau Lorenzo Lavalle, sex ára, og Giovanna Lavalle, fjögurra ára.
„Núna er ég gengin sjö mánuði á leið og þessi meðganga er örugglega sú versta. Vegna þess að ég er að elta 4 og 6 ára börn um allt. Ég er ekki alveg að fá tíma til að hvíla mig eða sofa eða gera eitthvað svoleiðis, sem er í lagi en ég er önug. Ég er tilbúin að þetta sé búið. Ég er mjög spennt að eignast mitt þriðja barn samt, en ég veit að þetta verður stressandi því allir segja að þriðja barnið sé barnið sem gerir þig klikkaða. Og ég er þegar klikkuð.“