Jenna Jameson hefur misst tæp 40 kíló síðan hún byrjaði á ketó í apríl 2018. Hún deilir reglulega fyrir-og-eftir myndum af sér á Instagram ásamt alls konar fróðleik um ketó mataræðið og þyngdartap sitt.
Í nýjustu færslu sinni á Instagram er hún með ráð til fylgjenda sinna fyrir „sundfatatímabilið.“ En ráðið er ekki það sem þú heldur.
Jenna segir að sundfatatímabilið nálgast óðum og fólk eigi að hætta að skammast sín fyrir líkama sinn eins og hann er.
Með skilaboðunum deildi hún tveimur myndum af sér í bikiní. Á myndinni til hægri er Jenna tæpum 40 kílóum þyngri en á þessari til hægri.
„Fyrir okkur allar þá er SVO erfitt að taka þátt í einhverju sem krefst sundfatnaðar vegna hræðslu við að vera dæmdar af öðrum,“ segir Jenna og bætir við að hún óskar þess að hafa ekki sleppt því að fara á ströndina að hitta vini sína og að hafa klæðst „sumarkjólum í fullri lengd í sundi“ áður en hún grenntist.
Á þessum tíma leið Jennu öðruvísi gagnvart líkama sínum. „Ég man eftir því að vera stressuð þegar ég labbaði í kringum sundlaugina á eftir Batelli, vitandi að appelsínuhúðin mín hristist til. En ég lofa að öllum var sama, nema mér.“
Jenna endaði færsluna á góðum orðum: „Ég vona að þú áttir þig á því að þú ert falleg og heilsuátak þitt fellur ekki í gleymsku. Þannig, já komdu á þessa heilsuvegferð með mér, en veistu það líka að þú ert fokking falleg eins og þú ert!“
