Ef þú átt gamlan tóman eða uppþornaðan maskara skaltu hugsa þig tvisvar um áður en þú fleygir honum. Það er nefnilega ótrúlega margt sem þú getur gert með gömlum velhreinsuðum maskarabursta. Hér eru nokkur góð dæmi:
Notaðu hreinan gamlan maskarabursta til að hreinsa þrönga staði eins og milli takkanna á lyklaborðinu eða annars staðar þar sem ryk safnast upp.
Til eru sérstakar græjur til að greiða óstýrilátar augabrúnir – en þær eru alls ekki ósvipaðar venjulegum maskarabursta.
Haltu vörunum þínum mjúkum og gefðu varalitnum þínum meiri athygli með því að bera á varirnar varasalva og nudda svo varlega yfir með hreinum maskarabursta.
Ef þú litar hárið sjálf getur þú notað hreinan maskarabursta til að bæta lit í rótina með snyrtilegum og auðveldum hætti.
Einstaka hár eða lokkar eiga það til að fara sínar eigin leiðir. Í stað þess að úða hárspreyi yfir þig alla skaltu úða því á hreinan maskarabursta og greiða niður villtu hárin.
Þegar kemur að því að hreinsa undan nöglunum er hreinn maskarabursti klárlega besti kosturinn; hæfilega mjúkur en áhrifaríkur.
Ef þú notar maskaraburstann til að snyrta neglurnar ertu ríkari fyrir vikið. Þú getur notað hann til að snyrta naglaböndin og búið til einstök listaverk á neglurnar þegar þú leikur þér með naglalakkið.
Þessar hugmyndir eru fengnar af Tip Hero.