Það getur verið erfitt að fara til kvensjúkdómalæknis. Þetta er svo ótrúlega persónuleg læknisheimsókn og mörgum konum finnst hún svo óþægileg að þær fresta henni ítrekað. Hvort sem það er af ótta um hvað kvensjúkdómalækninum mun finnast um lykt eða útlit píkunnar, eða eitthvað annað, finnst mörgum konum erfitt að leggjast á bekkinn.

Health fékk nokkra kvensjúkdómalækna til að segja hvað þeir eru raunverulega að hugsa á meðan þú ert í skoðun.

„Það skiptir ekki máli hvort þú sért rökuð eða snyrt.“

Ef þú ert hrædd um að kvensjúkdómalæknirinn sé að hugsa með sér hvað þú sért illa rökuð þá er sannleikurinn sá að læknirinn sér tugi sjúklinga á hverjum degi og hefur ekki tíma til að spá einu sinni í því hvort þú sért rökuð eða ekki.

„Ég get ekki sagt þér hversu oft konur hafa beðið mig afsökunar fyrir að hafa ekki klippt táneglurnar sínar eða verið búnar að raka sig,“ segir Alyssa kvensjúkdómalæknir. „Þær eru miður sín því þær halda að ég taki eftir þessum, sem ég geri ekki.“

„Mér finnst ekki ógeðslegt að þú ert á túr – alls ekki.“

Ef þú ert á blæðingum einmitt á sama tíma og þú átt að fara til kvensjúkdómalæknis, ekki afbóka tímann. „Sumar konur halda að það sé hræðilegt að koma þegar þær eru á túr. Alls ekki,“ segir Dr. Greves.

„Ég væri ekki kvensjúkdómalæknir ef mér þætti blæðingar ógeðslegar. Þær virka sem sleipiefni og geta gert skoðunina auðveldari.“

„Kynlífið þitt er ekki tabú málefni fyrir mig.“

„Mér finnst frábært þegar sjúklingar ræða um hluti varðandi kynheilbrigði sem þeir hafa áhyggjur af. Algengast er sársaukafullt kynlíf, að það blæðir eftir kynlíf eða hafa enga kynlöngun,“ segir Dr. Dweck.

„Ég spyr venjulega sjúklinga hvort þeir hafa einhver vandamál tengd kynlífi til öryggis, ef þeim líður eitthvað óþægilega með að minnast á það fyrst.“

„Uu, já, þú getur orðið ólétt eða smitast af kynsjúkdóm.“

Kvensjúkdómalæknar eru hissa hversu margir sjúklingar stunda óvarið kynlíf og átta sig ekki á að þeir geta orðið óléttir eða smitast af kynsjúkdómi.

„Ég segi oft við mig sjálfa: Guð minn góður, ég trúi því ekki að þessi manneskja heldur að hún getur stundað óvarið kynlíf, farið á reglulegar blæðingar og ekki orðið ólétt. Á sama tíma hugsa ég líka: Hvernig getur þessi manneskja stundað óvarið kynlíf með fleiri en einum aðila og ekki haldið að hún getur fengið kynsjúkdóm. Þú myndir verða hneyksluð ef þú vissir hversu margar konur halda að þetta gerist bara ekki fyrir þær.“

„Fæðingaráætlun þín gæti þurft aukaáætlun.“

Að vera með fæðingaráætlun, varðandi óskir þínar og væntingar til lækna og sjúkrahússtarfsmanna þegar þú fæðir, er sniðug hugmynd. En það er gott að hafa aðra áætlun til vara, ef allt fer ekki eftir áætlun.

„Ég minni konur á að það mikilvægasta er að þær og börn þeirra séu heilbrigð. Þannig ég undirbý þær að það fari ekki endilega allt eftir áætlun. Þær mega alveg skipta um skoðun, eins og hvort þær fái mænudeyfingu eða ekki. Því fæðing getur skyndilega breyst.“