Amy Schumer er ólétt af sínu fyrsta barni. Meðgangan hefur vægast sagt reynst henni erfið, en Amy þjáist af veiki sem kallast ‚hyperemesis‘ sem þýðir að henni er alltaf flökurt. Hún hefur verið lögð á spítala fjórum sinnum.
Sjá einnig: Amy Schumer hleypur um nakin og ólétt í myndatöku: Hefur ælt 980 sinnum á meðgöngunni
Grínistinn deildi mynd á Instagram í gærkvöldi af sér og eiginmanni sínum. Hún segir í færslunni að hún sé enn ælandi og að ástæðan sé að sjaldan fari peningur til rannsókna á heilsu kvenna, eins og á ‚hyperemesis‘ eða legslímuflakki (e. entometriosis). Heldur fari frekar til rannsókna á „typpum sem eru ekki nógu hörð“ eða fyrir „gamla gaura sem vilja harðari typpi.“
Fjölmargir hafa tekið undir með Amy að það sé ekki lögð nærri því jafn mikil áhersla á lækningar kvensjúkdóma eins og það sé á hvort karlmenn geta orðið nægilega harðir eða ekki:
„Á meðan ég var að fá næringu í æð þegar ég var ólétt hugsaði ég: „Ef þetta myndi gerast fyrir karlmenn þá værum við komin með lækningu,““ skrifaði ein kona við færsluna.
„Svo satt!! Það ætti að vera fleiri rannsóknir fyrir heilsu kvenna,“ skrifaði önnur.
„Jæja ég er ánægð að einhver sagði það allavega,“ sagði einn Instagram notandi.
