Bólur geta verið okkur til ama og því ekkert fagnaðarerindi þegar þær brjótast út – stundum korteri fyrir myndatöku. En hvar bólurnar birtast getur sagt ýmislegt um heilsu okkar og misjafnt hvernig best er að takast á við þær.
Þú ert annað hvort á kynþroskaskeiðinu eða að upplifa mikla streitu. Viðbrögð líkamans við streitunni og aukið adrenalín veldur feitari húð og þar af leiðandi brjótast út bólur, sérstaklega á þessum svæðum.
Hugsanlega notar þú of mikið af efnum í hárið eða þú hefur nuddað þeim inn í húðina og stíflað svitaholurnar. Ef þú strýkur hárinu aftur með óhreinum höndum getur þú sömuleiðis stíflað svitaholurnar.
Ástæðan er líklega mataræði. Leifar af súrum mat og fita eru líklegustu sökudólgarnir. Best er að þvo sér í kringum munninn eftir máltíðir eftir að hafa þvegið hendurnar vel og vandlega.
Eflaust þarft þú einfaldlega að þvo hendurnar. Þú ættir líka að huga að því að þrífa símann þinn og lyklaborðið.
Hér er vökvaskortur algengasti sökudólgurinn en lausnin er einföld – drekktu meira vatn.
Oft er um að ræða húðsjúkdóm sem gengur í erfðir og brýst út í upphleyptum rauðum bólum sem þekja húðina. Mælt er með því að hreinsa húðina en gæta þess að nota efni sem inniheldur ekki sápu, því sápan getur þurrkað húðina.
Það er erfitt að segja en ef um raunveruleg húðvandamál er að ræða mælum við með því að leita ráða hjá lækni.