Hilaria Baldwin ásamt eiginmanni sínum, Alec Baldwin og tveimur börnum þeirra.
Síðustu daga hefur Hilaria Baldwin talað opinberlega um það að henni grunaði að hún væri að missa fóstur. Nú hefur hún staðfest að hennar verstu grunsemdir höfðu ræst. Hún missti fóstur.
Í nýrri Instagram færslu á þriðjudagskvöldið síðastliðið segir Hilaria fylgjendum sínum sorgarfréttirnar.
„Það var enginn hjartsláttur í skoðuninni í dag… þannig þetta er búið… en ég hef samt nokkra sterka og frábæra hjartslætti akkúrat hérna,“ skrifaði Hilaria með mynd af sér ásamt eiginmanni sínum, Alec Baldwin, og fjórum börnum þeirra.
„Ég er umvafin ást og tel mig svo heppna.“
Hún þakkaði síðan aðdáendum sínum fyrir að „hlusta, sýna stuðning og deila ykkar eigin persónulegu sögum. Við erum sterkari saman.“
Hilaria deildi því fyrst á Instagram í síðustu viku að henni grunaði að hún væri að missa fóstur.
„Ég vil deila því með ykkur að ég er líklegast að missa fóstur. Ég hef alltaf verið svo opin við ykkur um fjölskyldu mína, hreyfingu, meðgöngur, og ég vil ekki fela þetta frá ykkur, bara vegna þess að þetta er ekki eins jákvætt og glansandi eins og hitt,“ skrifaði Hilaria á Instagram í síðustu viku.
Hilaria sagði að hún ákvað að tala svona opinskátt um fósturmissirinn til að „normalísera fósturmissir og taka skömmina í kringum það.“
„Sem konur erum við þjálfaðar í að kljást við þetta í þögn. Þú átt klárlega ekki að segja neitt um meðgönguna fyrstu tólf vikurnar og það er oft vegna þess að sumir eru hjátrúafullir, eða þannig halda þau að þau verða sterkari, og margt af því kemur vegna ótta. Ég held að við þurfum ekki að lifa með svona miklum ótta,“ sagði Hilaria í viðtali við Today á þriðjudaginn.