Heiðrún Gréta er nýr penni hjá Bleikt. Heiðrún er tveggja barna móðir og eiginkona. Hún er með jaðarpersónuleikaröskun og skrifar mikið út frá því. Heiðrún hefur áhuga á öllu sem staðlar að því að læra að elska sjálfa sig og finna það sem veitir henni gleði. Við gefum henni orðið.

Við óskum okkur öll hamingju, en þurfum oft mismunandi leiðir til þess að nálgast hana. Hamingjan getur oft virst vera í órafjarlægð og oft sýnist engin leið vera nægilega góð til þess að nálgast hana.

Hér eru 10 góðar leiðir til þess að búa til sína eigin hamingju.

1. Umkringdu þig fólki sem kætir þig og fær þig til að brosa. Það er staðreynd að hamingjan smitar út frá sér.
2. Haltu í það sem gerir þig að þeirri persónu sem þú ert. Þegar þú samþykkir þig sem persónu því hamingjusamari verður þú.
3. Horfðu á það jákvæða í lífinu. Við vitum öll að það getur verið erfitt að líta framhjá neikvæðu orkunni sem sveimar oft í kringum okkur. Reyndu að hleypa því góða inn. Sama hversu lítið það virðist vera.
4. Notaðu ímyndunaraflið. Ekki vera hrædd við að láta þig dreyma. Margir hræðast draumana sína vegna þess að þeir vilja ekki verða fyrir vonbrigðum. En sannleikurinn er sá að ef að þig dreymir hlutina, þá eru meiri líkur á að þeir gerist.
5. Gerðu hluti sem þér þykir skemmtilegir. Gefðu þér tíma til þess að lesa góða bók, fara í göngutúr, langan bíltúr eða dansa við uppáhalds lagið þitt.
6. Finndu þinn tilgang í lífinu. Flestir óska þess að vera partur af einhverju stærra og betra eins og að hjálpa þeim sem þurfa á því að halda.
7. Hlustaðu á innsæi þitt. Þú þekkir þig best. Það getur enginn annar sagt þér hver þú ert eða átt að vera.
8. Stígðu út fyrir þægindarammann þinn. Þú hefur kraftinn til þess að vera sú sem þú vilt.
9. Vertu opin fyrir breytingum. Prófaðu nýja hluti. Breytingar eru stöðugar og hjálpa manni að þróast í þá átt sem manni er ætlað að fara.
10. Taktu eftir einföldu hlutunum. Sólríkum dögum, stjörnurbjörtum himni og góðri tónlist.

Hamingjan er handan við hornið. Ef þú lærir á sjálfa þig þá sérðu hver besta leiðin er fyrir þig til þess að finna þína eigin hamingju.

Þú getur fylgst með Heiðrúnu Grétu á:
Snapchat: @heibbaleibba
Instagram: @heidrun.greta