Amy Schumer er ólétt af sínu fyrsta barni. Hún hefur opnað sig um erfiðleika meðgöngunnar. Hún þjáist af veiki sem kallast ‚hyperemesis‘ sem gerir það að verkum að henni er alltaf flökurt og ælir nánast í hvert einasta skipti sem hún ferðast.
Sjá einnig: Amy Schumer hleypur um nakin og ólétt í myndatöku: Hefur ælt 980 sinnum á meðgöngunni
Það er óhætt að segja að Amy hefur húmor fyrir sjálfri sér og fylgikvillum meðgöngunnar. Í myndbandi á Instagram sýnir hún hvernig óléttar konur geta klætt sig í sokka.
„Þetta er auðvelt,“ segir hún áður en hún sýnir verkið. Horfðu á myndbandið hér að neðan, það er stórkostlegt!
Grínistinn deildi einnig mynd af sér og kúlunni á Instagram. „Finnst ég sterk og falleg í dag #ældiekki,“ skrifaði hún með myndinni.