Tískumerkið Black Tape Project var afhjúpað í fyrra og gerði allt vitlaust, svo vægt sé til orða tekið. Um er að ræða sundfatnað sem sérfræðingar hafa keppst um að kalla einn ef ekki allra djarfasta sinnar tegundar. Verkefnið kemur frá listamanninum Jose Alvarez, sem er kenndur við gælunafnið „Konungur límbandsins.“
Þessi stíll Alvarez átti endurkomu með nýju, fjölbreyttara sniði á dögunum á tískuhátíðinni New York Fashion Week og hefur límbandið enn á ný kveikt í netheimum með logandi umtali.
Ofurmódelin Alexis Michaud og Priscilla Huggins voru á meðal þeirra djörfu sem spókuðu sig á sýningunni og skildu lítið eftir fyrir ímyndunaraflið.
Tíminn á eftir að leiða í ljós hvort þessi skrautlegi sundfatnaður verði tekin til notkunar á almennum markaði.
Hér eru myndirnar af viðburðinum sem hafa klofið álitsgjafa.
Klám eða list? Það er undir ykkur að dæma.
