Það er full ástæða fyrir foreldra, afa og ömmur, frænkur og frændur og raunar alla að horfa á myndbandið hér fyrir neðan. Umfjöllunarefnið er mál sem snertir okkur öll á einn eða annan hátt, ofbeldi karla gagnvart konum og þá hættu sem stúlkur og konur standa daglega frammi fyrir í samfélaginu. Myndskeiðið var birt á gömlu Pressunni og er hér endurbirt á Bleikt.
Það eru norsku samtökin CARE, sem berjast fyrir réttindum kvenna, sem létu gera myndbandið. Það hefur nú fengið yfir 14 milljónir áhorfa enda um mikilvæg og sterk skilaboð að ræða sem eru sett fram á kraftmikinn hátt.
Gefðu þér fimm mínútur til að horfa á myndbandið, ef ekki fyrir sjálfa(n) þig þá fyrir börnin þín, barnabörnin og alla þá sem þú umgengst.