Tamara Pridgett er þjálfari og æfir alltaf á morgnanna. Hún segir ástæðuna vera einfalda og ekki snúast um að brenna sem mesta fitu.
„Ég myndi ekki segja að ég nýt þess að vakna snemma til að hreyfa mig, en ég veit eitt fyrir vissu: Ef ég geri það ekki, þá mun ég ekki hreyfa mig. Sumir hreyfa sig á morgnanna fyrir hraðari brennslu (sorrí, en það virkar reyndar ekki), og aðrir æfa snemma á morgnanna til að brenna meiri fitu í fastandi ástandi. Mín ástæða hefur ekkert með vöxt minn að gera. Ég einfaldlega vakna snemma til að hreyfa mig því ég hef meiri orku og kraft á morgnanna,“
segir Tamara Pridgett í pistli á Pop Sugar Fitness.
„Ég ætla ekki að ljúga, að vakna snemma er ekki auðvelt og oft langaði mig að hundsa vekjaraklukkuna. Í hvert skipti sem ég „snúsaði“ eða ákvað að vakna klukkutíma seinna, segjandi við mig sjálfa að ég myndi fara í ræktina eða út að hlaupa um kvöldið, þá gerðist það aldrei. Ég var of þreytt, of svöng, átti erfiðan dag, uppáhalds þátturinn minn var að byrja, ég þurfti að svara tölvupóstum, og listinn heldur áfram.“
Tamara segist vera afkastameiri þá daga sem hún hreyfir sig á morgnanna. „Mér finnst eins og ég fái nokkra auka klukkustundir í daginn minn. Að æfa á morgnanna þýðir líka að það er nægur tími fyrir heilann og líkamann að vakna almennilega,“ segir Tara.
Hún segist stundum vakna 45 mínútum áður en hún þarf að fara út úr húsi og mælir ekki með því. „Ég gleymi alltaf einhverju mikilvægu, ég hata fatnaðinn minn, ég er ringluð og finnst hausinn á mér vera út um allt,“ segir Tamara.
Hún bætir því við að með því að gefa sér nokkrar klukkustundir á morgnanna til að koma öllu af stað þá nær hún að byrja daginn rólega.
„En það sem er mikilvægara, þá verð ég meira undirbúin að byrja daginn og það lætur mér líða vel. Ég veit að æfa á morgnanna sé ekki fyrir alla, en ef þú átt erfitt með að hreyfa þig eða þarft meiri tíma til að byrja daginn, þá mæli ég með að prufa þetta.“