Lady Gaga og Christian Carino slitu trúlofun sinni fyrr á árinu. Orðrómar fóru fyrst á kreik um sambandsslit þeirra 10. febrúar og var það síðan staðfest 20. febrúar.
Heimurinn stóð á öndinni meðan Lady Gaga og Bradley Cooper fluttu lagið ‚Shallow‘ á Óskarsverðlaunahátíðinni 25. febrúar síðastliðinn. Aðdáendur, netverjar og eiginlega bara gjörsamlega allir voru sannfærðir um að leikararnir væru ástfangnir. En þau voru að leika eins og Lady Gaga sagði sjálf í viðtali hjá Jimmy Kimmel: „Fólk sá ást, og gettu hvað, það er það sem við vildum að það myndi sjá.“
Margir töldu að Lady Gaga hafi hætt með Christian Carino vegna Bradley Cooper. Samkvæmt US Magazine ákvað Lady Gaga að slíta sambandinu því Christian var afbrýðisamur og stjórnsamur.
Lady Gaga og Christian trúlofuðu sig árið 2017 en samkvæmt heimildum US Weekly þá var tveggja ára sambandið slæmt í lokin.
Rétt áður en þau hættu saman fóru þau á Golden Globes hátíðina og ef það er skoðað líkamstjáningu þeirra þá virðist ekki allt leika í lyndi.
„Hann var afbrýðisamur. Hann var alltaf að reyna að finna hana og sendi henni mikið af skilaboðum. Vinir hennar voru ekki hrifnir af honum heldur,“ segir heimildamaður US Weekly.
Lady Gaga er hugsanlega komin með nýjan elskuhuga, leikarann Jeremy Renner. Þau hafa verið að eyða miklum tíma saman upp á síðkastið.
Sjá einnig: Lady Gaga og Jeremy Renner eru „að eyða miklum tíma saman“ – Næsta stjörnuparið
