Það að eignast tvíbura sem ekki eiga sama föðurinn er einstaklega sjaldgæft. Þó geta komið upp tilfelli eins og gerðist á dögunum fyrir konu eina sem neyddist til þess að viðurkenna framhjáhald þegar í ljós kom að annar tvíburadrengur hennar deildi ekki sama erfðamengi og maðurinn sem taldi sig vera faðir hans.

Xialong, eiginmaður konunnar hafði velt því fyrir sér af hverju annar tvíburadrengur þeirra líktist honum ekki í útliti en þrátt fyrir vangaveltur hans þá neitaði eiginkona hans að um framhjáhald væri að ræða. Samkvæmt Metro fór parið í DNA rannsókn sem leiddi í ljós að aðeins annar tvíburinn er raunverulega sonur mannsins og neyddist konan þá til þess að viðurkenna það að hafa haldið framhjá eiginmanni sínum þegar hún átti einnar nætur gaman með öðrum karlmanni.

Faðirinn var eins og gefur að skilja í miklu uppnámi þegar niðurstöðurnar komu í ljós og sagðist hann vera tilbúinn til þess að ala upp sitt barn en ekki tvíburabróðir hans.