„Það þurfti mikið hugrekki til að skrifa þetta fyrir ykkur,“ skrifar Kelsey Henson, eiginkona kraftajötunsins Hafþórs Júlíusar Björnssonar í nýrri færslu á Instagram. Í færslunni opnar hún sig um hvernig hún versnaði í húðinni eftir að hún flutti til Íslands.
„Ef þið flettið til hægri sjáið þið mynd af húðinni minni sem var tekin í desember síðastliðnum. Ég byrjaði að fá bólur hér og þar eftir að ég flutti til Íslands, ekkert rosalega mikið en mér fannst það virkilega pirrandi þar sem ég var alltaf með fullkomna húð! Bólurnar versnuðu þar til þessar síðustu myndir voru teknar. Andlitið mitt var þakið í hormónabólum (það hefur verið rússíbanareið að hætta á getnaðarvarnarpillunni),“ skrifar Kelsey og heldur áfram.
„Þetta var algjör hörmung þar sem ég hafði verið með góða húð allt mitt líf. Mig langaði ekki að fara út úr húsi. Ég þurfti að mála mig mikið sem gerði bólurnar verri. Ég varð þunglynd. Ég prófaði sýklalyf sem gerðu ekkert fyrir mig. Reinoid-krem sem gerði bólurnar verri og húðina þurra.“
Kelsey ítrekar að þetta sé ekki auglýsingapóstur en að hún hafi fengið krem frá Key Natura að gjöf frá vini Hafþórs fyrir einum og hálfum mánuði síðan. Hún segir kremið hafa virkað mjög vel á bólurnar. Hún mælir með kreminu fyrir aðra sem eru með bólur og óskar eftir reynslusögum fylgjenda sinna.
