Justin Bieber og Hailey Bieber eru að tala um barneignir í náinni framtíð. Söngvarinn vill vera ungur faðir að því fregnir herma.
Síðasta vika hefur verið erfið fyrir Justin Bieber. Hann var sagður vera sökudólgurinn á bakvið lokun Fjaðrárgljúfurs og í gær kom hann eiginkonu sinni til varnar þegar einhver sagði við hann að hann giftist aðeins fyrirsætunni til að hefna sín á Selenu Gomez.
En í dag horfir Justin til framtíðarinnar. Samkvæmt heimildarmanni Entertainment Tonight eru Bieber hjónin að hugsa um barneignir fljótlega því Justin „hefur alltaf langað að vera ungur faðir.“ Söngvarinn minntist einnig á föðurhlutverkið í færslu á Instagram í gær.
Hailey hefur áður talað um barnseignir en tímalína hennar er örlítið sveigjanlegri og nær yfir næstu 20 ár.
Þó svo að Justin vill vera ungur faðir þá segir heimildarmaður ET að hjónin vilja bæði vera alveg reiðubúin undir ábyrgðina sem í því felst að vera foreldri.
„Justin og Hailey hafa talað um börn og það er forgangsatriði fyrir þeim. Þau vilja vera á rétta staðnum áður en þau eignast börn: eiga heimili, vera gift og Justin á góðu andlegu jafnvægi.“
Það er ekkert leyndarmál að Justin hefur verið að glíma við andleg veikindi. Í gær sagði söngvarinn fylgjendum sínum á Instagram að hann ætlaði ekki að gefa út nýja tónlist á næstunni því hann er „að einbeita sér að því að laga rótgróin vandamál sem ég hef og flest okkar hafa, svo ég haldist heill og geti viðhaldið hjónabandi mínu og verið faðirinn sem ég vill vera.“
Justin svaraði aðdáanda á þriðjudaginn sem sagði að hann hafði aðeins gifst Hailey til að hefna sín á Selenu.
„Ég algjörlega elskaði og elska Selenu og hún mun alltaf eiga sér stað í hjarta mínu. En ég er yfir mig ástfanginn af eiginkonu minni og hún er gjörsamlega það besta sem hefur einhvern tíma gerst fyrir mig, punktur,“ skrifaði Justin Bieber.
