Ýmislegt getur komið upp á á brúðkaupsdaginn sem gerir það að verkum að athöfnin varð ekki alveg eins og brúðhjónin sáu hana fyrir sér. Sem betur fer er það yfirleitt eitthvað sem er ekki mjög alvarlegt svo sem börn sem gera eitthvað af sér eða jafnvel gæludýr sem pissa á leið inn með hringana.
Það hafa þó komið fyrir nokkur alvarlegri atvik eins og þegar vitlaust nafn hefur verið sagt eða annað álíka. Það sem gerðist í brúðkaupi nokkru á dögunum var líklega ekki alveg það sem brúðhjónin, né aðrir gestir höfðu séð fyrir.
Þegar ung kona var að syngja rómantískt lag til hjónanna í athöfninni leið yfir svaramann brúðgumans. Svaramaðurinn stóð á stétt féll beint fram fyrir sig með andlitið á stétt sem olli því að tennur hans brotnuðu við lendinguna. Metro greinir frá atvikinu en ekki hefur verið greint frá nafni mannsins.
Eftir fallið má sjá hvernig gestir brúðkaupsins hlaupa að manninum og ná þau honum til meðvitundar aftur. Honum er svo fylgt út úr athöfninni með pappír yfir blóðugu andlitinu. Ekki hefur fengið staðfest hvað olli yfirliðinu en talið er að það gæti tengst því að brúðkaupið var haldið utandyra og heitt var í veðri.
