Síðustu mánuðir hafa verið einstaklega gæfuríkir fyrir tónlistarkonuna Lady Gaga, sem sló eftirminnilega í gegn í kvikmyndinni A Star is Born. Þá hefur lagið Shallow úr myndinni hrifsað til sín öll möguleg og ómöguleg verðlaun.
Það er hins vegar mikið af kjaftasögum í gangi um Lady Gaga, og ekki bara um samband hennar og Bradley Cooper. Mjög háværar sögusagnir hafa verið á kreik nýverið um að Lafðin sé ólétt.
Lady Gaga ákvað að kveða niður þessar sögusagnir á Twitter-síðu sinni.
„Sögusagnir um að ég sé ólétt? Já, ég er ólétt með #LG6,“ skrifar Lafðin og vísar þar í næstu plötu sína, þá sjöttu í röðinni. Aðdáendur tóku vægast sagt mjög vel í þetta tíst og bíða nú í ofvæni eftir plötunni.
Rumors I’m pregnant? Yeah, I’m pregnant with #LG6
— Lady Gaga (@ladygaga) March 12, 2019