Meghan Markle og Harry prins eiga von á sínu fyrsta barni innan nokkurra vikna. Samkvæmt heimildum Vanity Fair ætla þau að ala barnið upp í flæðigerva umhverfi, eða „gender fluid“. Orðið flæðigerva er notað yfir kynvitund þeirra sem upplifa kynvitund sína sem flæðandi, eða flakka á milli mismunandi kyngerva, kyntjáningar og kynvitundar samkvæmt orðabók Trans Ísland.

Þetta þýðir í raun að Meghan og Harry ætla ekki að halda úreltum hugmyndum um kynhlutverk að barninu.

„Hún sagði að þau ætli að ala upp barnið með flæðandi nálgun til kyns og þau ætla ekki að troða neinum staðalímyndum upp á barnið,“ segir heimildarmaður Vanity Fair.

Því verður barnaherbergið kynlaust og í hvítum og gráum tónum, svo dæmi séu tekin.