„Ég hef eytt miklum tíma í þessu lífi í að líða eins og ég sé of mikið. Of svöng. Of áhyggjufull. Of hávær. Of þurfandi. Of veik. Of dramatísk. Of hreinskilin. Of kynþokkafull,“ skrifar handritshöfundur og listakonan Lena Dunham á Instagram-síðu sinni.
Lena birtir mynd af sér á nærfötunum til að ræða um þyngdaraukningu sína undanfarið, en Lena hefur aldrei veigrað sér við því að ræða um líkamsímynd og -smánun.
„Ég fékk alltaf send lymskuleg skilaboð um að ég tæki of mikið pláss og að ég krefðist of mikils úr lífinu að ég gæfi fólki stundum of mikið af einhverju sem það vildi ekki. En eitthvað hefur breyst og það byrjaði þegar ég uppgötvaði að ég þarf ekki að vera allra og að það að ég sé of mikið sé nóg fyrir rétta fólkið,“ skrifar Lena og heldur áfram.
„Ég er 32ja ára og ég hef aldrei verið þyngri. Ég hef aldrei elskað jafn mikið. Ég hef aldrei lesið, skrifað né hlegið jafn mikið. Og ég hef aldrei verið hamingjusamari.“
Hún segir að hún sé raunverulega hamingjusöm eftir að hafa létt þessu álagi af sér að og að einbeita sér að fólki sem skiptir hana raunverulegu máli. Í athugasemdum við færsluna virðist fólk taka þessum boðskap Lenu fagnandi og margir sem hafa staðið í sömu sporum, að finnast þeir ekki nóg.
https://www.instagram.com/p/BuXOT8egEWD/