Fjöllistamaðurinn Billy Porter stal algjörlega senunni á rauða dreglinum á Óskarsverðlaunahátíðinni í nótt þegar hann mætti í því sem mætti kalla smókingsíðkjól úr smiðju hönnuðarins Christian Siriano.
Billy er hvað þekktastur í seinni tíð fyrir að leika í sjónvarpsþáttunum Pose og er greinilega óhræddur við að taka áhættur.
Hönnuðurinn Christian birtir mynd af Billy í klæðnaðinum á Instagram-síðu sinni og viðbrögðin láta ekki á sér standa. Eru flestir himinlifandi með Billy og síðkjólinn.
https://www.instagram.com/p/BuR-wPUnh6I/
„Ég er dáin!“ skrifar einn fylgjandi og annar bætir við: „Þetta er dásamlegasti smóking sem ég hef séð!“
„Ég missti andann. Það eru ekki til nein orð yfir þetta!!!“ skrifar enn annar. Svo er það þessi athugasemd sem okkur finnst æði:
„Þú vinnur. Óskarinn. Internetið. Lífið. Punktur.“