Mia, dóttir leikkonunnar Anítu Briem og leikstjórans og leikarans Constantine Paraskevopoulos varð nýlega fimm ára og hefur tekið upp á einstaklega hugulsömum hlut, eins og móðir hennar greinir frá á Facebook-síðu sinni.
„Dóttir mín byrjaði ferlið að gefa mér afmælisgjafir aftur í tímann þar sem hún er mjög leið að hafa misst af svo mörgum af mínum afmælum áður en hún fæddist. Við byrjuðum á eins árs,“ skrifar Aníta.
Það má með sanni segja að færslan hafi vakið mikla athygli meðal vina Anítu. Tæplega tvö hundruð manns hafa líkað við færsluna og margir þjóðþekktir einstaklingar skrifað athugasemdir við færsluna.
„Mesta krútt ever,“ skrifar söngkonan Svala Björgvinsdóttir og leikkonan Þóra Karítas Árnadóttir skrifar einfaldlega: „Bráðn.“ Söngkonan Þórunn Antonía Magnúsdóttir tekur í sama streng.
„Hversu krúttlegt!!“
