Topparnir hjá tískuhúsinu Burberry hafa beðist afsökunar á peysu í haust og vetrarlínunni þeirra. Utan um hálsinn á peysunni er snara. Peysan var sýnd á tískuvikunni í London 17. febrúar síðastliðinn.
Málið vakti fyrst athygli þegar fyrirsætan Liz Kennedy sem var að ganga í sýningunni, en ekki í peysunni, kvartaði undan peysunni. Á Instagram sagði hún að snaran væri ekki einungis kalla fram aftökur heldur einnig sjálfsvíg.
„Sjálfsvíg er ekki tíska,“ skrifaði Liz. „Það er ekki heillandi eða töff.“
https://www.instagram.com/p/Bt_e9OpgGG3/
Marco Gobetti, forstjóri Burberry, baðst afsökunar í yfirlýsingu sem hann gaf út á þriðjudaginn. Peysan hefur verið fjarlægð úr nýju haust- og vetrarlínunni.