Brúðarmær hefur verið sökuð um að reyna að „stela sviðsljósinu“ í brúðkaupi vinkonu sinnar. Ástæðan er mjög fleginn kjóll sem hún klæddist í brúðkaupið.
Reddit notandinn TacoPVP deildi mynd úr brúðkaupsveislunni. Á myndinni stendur konan við hliðin á brúðinni, klædd bláum kjól og hallar sér fram.
„Þegar þú bara þarft að stela sviðsljósinu,“ skrifaði TacoPVP með myndinni.
Netverjar voru hneykslaðir yfir fatavali konunnar. Margir sögðust ekki hafa áttað sig á því að um væri að ræða brúðkaupsmynd vegna þess að athygli þeirra beindist öll að brjóstaskoru konunnar.
„Við fyrstu sýn áttaði ég mig ekki á því að þetta væri brúðkaupsmynd,“ skrifaði einn netverji. Annar bætti við: „Plís, ekki segja mér að þetta sé brúðkaupsmynd.“
„Þetta er hræðilegt. Ég skal veðja að hún líka sviðsljósinu á öðrum myndum,“ skrifaði annar netverji.
Nokkrir Reddit notendur komu konunni til varnar og sögðu að hún hafi engu fengið að ráða þegar kæmi að kjólavali, en algengt er að brúðurin velji kjólana á brúðarmeyjarnar.
„Hún valdi ekki kjólinn, hún valdi ekki brjóstastærð sína. Ég er komin með nóg af því að konur eru kallaðar druslur fyrir líkama sinn,“ skrifaði einn netverji.
Annar netverji sagðist þekkja til konunnar og sagði:
„Konan segir að allar brúðarmeyjarnar voru með lítil brjóst og þegar brúðurin valdi kjólana þá gleymdi hún að reikna með stórum brjóstum vinkonu sinnar. Í hennar orðum: „Helmingur myndanna eru ónothæfar“.“