Berglind Kristjánsdóttir er keppandi í Miss Universe Iceland 2019. Hún er menntaður þjónn og starfar sem slíkur, ásamt því að stunda nám við Tækniskólann.
Berglind kemur Miss Universe til varnar og segir þetta ekki vera fegurðarkeppni. Hún segist reglulega fá spurninguna af hverju hún sé að taka þátt.
„Af hverju ertu að taka þátt í þessu Berglind? Af hverju ertu í þessari keppni? Vinna hvort sem er ekki bara stelpur sem eru „grannar.“ Þú ert ekkert í stærð 2, þú átt ekki séns í kórónuna. Þetta er heimskuleg keppni og hún er asnaleg! Hver eru þau að segja hver er fallegur og hver er ekki? Já þetta eru vangaveltur margra.“ Svona byrjar Berglind pistil á Facebook sem hún gaf Bleikt góðfúslegt leyfi að deila með lesendum.
https://www.instagram.com/p/B0tEl6xHCAu/
Berglind segir að hún hafi tekið þátt í Miss Universe Iceland til að styðja vinkonu sína í keppninni.
„Stelpur standa saman. Við vissum ekki hvernig þetta myndi verða. Ég var skíthrædd,“ segir Berglind.
„Auðvitað veit ég að ég er ekki þessi týpíska fegurðardís sem vinnur þessar keppnir út í heimi.“
Hún segir að það sé hennar ákvörðun hvað hún ákveður að gera í sínu lífi og það hafi verið forvitnin sem hafi drifið hana áfram.
https://www.instagram.com/p/Bx-9rqzHdrp/
„Það eru ungar konur í þessu samfélagi sem halda að líta út á einhvern ákveðinn hátt sé mikilvægt. Þú mátt vera þú og borða það sem þú vilt. Þetta er þitt líf og þú ræður hvernig þú vilt lifa því.“
Berglind hvetur ungt fólk til að læra að elska sig sjálft og það eigi skilið að fara á eftir draumum sínum.
„Ég er ekki að taka þátt í þessari keppni því ég held að ég muni vinna eða út af því mér finnst ég svo sæt. Ég vildi bara fylgja mínu hjarta og ég ráðlegg þér að gera það sama. Við skulum ekki dæma annað fólk fyrir þeirra skoðanir,“ segir Berglind.
https://www.instagram.com/p/ByGInxbncKg/
Ekki fegurðarsamkeppni
„Ef þú ert á móti þessari keppni þá er það í lagi. Ef þú ert súper aðdáandi þá er það líka flott mál. En leyfðu mér að segja eitt, þetta er ekki „fegurðarsamkeppni.“ Þetta er bara keppni. Þetta er tækifæri, tækifæri til að vera sýnileg og tækifæri til að hafa rödd. Til að koma skoðunum þínum á framfæri svo aðrir heyri í þér,“ segir Berglind.
„Þetta er skemmtun og gaman. Leyfðu okkur að skemmta okkur. Við erum ung og viljum njóta lífsins til fulls.“
https://www.instagram.com/p/B0L2WsBHrNi/
Var afbrýðissöm
Berglind segir að henni hafi fundist svona keppnir áhugaverðar en skrýtnar áður fyrr. „Ég var afbrýðissöm, því ég vissi að ég myndi aldrei taka þátt. Ég var hrædd um að ég kæmist ekki inn. En það skemmtilega er að ég ákvað að segja fokk it og taka þátt!“
Berglind komst inn í keppnina og segist hafa fengið stóran hnút í magan þegar hún fékk að vita það.
„Ég er ekki að reyna að fá þig til að kjósa mig. Ég er að vekja athygli á þessari keppni,“ segir Berglind.
Að lokum hvetur Berglind fólk til að dæma ekki stúlkurnar í keppninni. „Þær eru með svo fallegt hjarta að það fær mann til að gráta hvað þær eru góðhjartaðar. Ég tala af reynslu hér.“
Þú getur fylgst með Berglindi á Instagram hér og kosið hana í keppninni hér.
