Á meðgöngu eiga sér stað undur og stórmerki. Hvert einasta augnablik í móðurkviði á sér stað vöxtur, fósturþroski og breytingar. Það er svo margt sem gerist áður en börnin fæðast.
Barn í móðurkviði gerir oft á tíðum hluti sem koma á óvart. Ekki eru börnin smáu aðeins að læra að hreyfa fingur, tær og útlimi heldur dreymir þau einnig, geispa, sjúga á sér þumalputtann og gera aðra undraverða hluti.
Að bregða: Þegar þú hnerrar bregður barninu þínu. Börnum getur brugðið í móðurkviði við það að heyra óvænt hljóð frá mömmu sinni eða annan skyndilegan hávaða í umhverfinu. Móðirin kann að hafa fundið fyrir barni sínu bregða án þess að gera sér grein fyrir því hvað væri á seyði í móðurlífinu.
Að sjúga þumal: Mörg börn eru byrjuð að sjúga þumalinn löngu áður en þau fæðast.
Að hiksta: Allflestar óléttar konur geta borið vitni um að hafa fundið fyrir barninu sínu hiksta í móðurkviði. Kviðurinn hoppar til við þetta og það getur verið fyndið að sjá.
Að finna lykt: Lyktarskyn barnsins byrjar að þróast í móðurkviði. Þótt ótrúlegt megi virðast geta börnin jafnvel greint sígarettulykt. Stax eftir upphafstímabilið, hið þriggja mánaða tímabil, getur barnið fundið lyktina af matnum sem móðir þess leggur að vörum sér.
Að geispa: Inni í móðurlífinu geispa þessar elskur líka. Ætli biðin sé löng?
Að dreyma: Sagt er að börn hafi svefnblik í móðurlífinu og að á síðari mánuðum geti það bent til að kannski sé þau að dreyma. Þá er spurningin hvað ófætt barn gæti verið að dreyma?
Heimild: Sasha Brown-Worsham
