fbpx
Fimmtudagur 18.júlí 2019  |
Bleikt

Fimm setningar sem við eigum að hætta að segja við börnin okkar

Ragna Gestsdóttir
Þriðjudaginn 9. júlí 2019 21:30

Ekki missa af Helstu tíðindum dagsins í pósthólfið þitt

Lesa nánar

Hvað ertu að kenna börnunum þínum þegar þú ert ekki að reyna að kenna þeim neitt?

Í grein sem birtist á Iheartintelligence.com er fjallar um fimm algengar setningar, sem allir foreldrar hafa notað og eru jafnvel að nota reglulega, og af hverju við eigum að hætta að segja þær við börnin okkar.

1. „Þú ert að gera mig brjálaða/n núna.“

Þó að þessi setning eigi oft við rök að styðjast, jafnvel oft á dag, þá eru margir hlutir sem eiga við rök að styðjast og eru sannir, en við segjum samt ekki við börnin okkar. Að segja við barnið þitt að það geri þig brjálaða/n, reiða/n eða valdi því að þú hefur ekki stjórn á skapi þínu kennir barninu að það ber ábyrgð á hegðun annarra. Þetta er ósanngjarnt. Við þurfum ekki að hjálpa barninu til að því finnist eitthvað vera því að kenna.

Notaðu frekar setningu eins og „Mamma/pabbi á erfitt með að vera þolinmóð/ur núna, þannig að ég ætla að taka mér smá tíma fyrir mig.“

2. „Af því að ég segi það!“

Þessi setning sýnir vald og krefst skilyrðislausrar hlýðni. Setningin dregur úr því að börnin læri að leysa vandamál, sýni frjálsa hugsun og jafnvel einfaldri löngun þeirra til að skilja reglur. Við viljum hvetja börnin okkar til vitsmunalegrar forvitni, ekki draga úr henni. Hvettu börnin til að hugsa á gagnrýninn hátt og útskýrðu fyrir þeim af hverju þau eiga að haga sér eins og þú vilt. Þeir þurfa ekki að samþykkja rökstuðning þinn fyrir reglunni/reglunum, en þau eiga rétt á að vita hver hann er, ef þau eiga að fylgja þínum reglum.

3. „Hættu að gráta núna strax!“

Þessi setning hefur aldrei fengið neinn til að hætta að gráta. Hún eykur aðeins á hræðsluna, óttann og stjórnleysið sem er fyrir hendi í erfiðum aðstæðum. Grátur er ekki óstjórnleg hegðun, heldur þvert á móti heilbrigð leið til að tjá neikvæðar tilfinningar.

4. „Svona er lífið.“

Við grípum oft til þessa frasa þegar við höfum ekkert annað segja. Við vitum samt að ástandið er rangt eða ´ósanngjarnt og að börnin okkar eru særð vegna þess. Því miður er ekkert sem við getum gert. Það er auðvelt að fleygja setningunni fram, en hún hjálpar börnunum okkar ekkert i gegnum það sem þau eru að fást við, hún kennir þeim aðeins að sætta sig við það versta sem lífið færir þeim.Reyndu frekar að halda í hendina á barninu þínu og fullvissa það um að þó að ástandið sé erfitt þá muni það komast í gegnum það. Og að þú sért til staðar fyrir það. Ef að möguleiki er á því grípið til aðgerða til að leysa vandamálið. Kenndu börnunum þínum að þau eru öflug, ekki máttlaus.

5. „Þú tekur þetta of nærri þér. Hættu að vera svona viðkvæm/ur.”

Þessi setning segir börnunum okkar að tilfinningar þeirra skipti ekki máli. Hún dregur líka úr því að þau sýni samúð með öðrum þegar þeir eru í uppnámi. Þegar við segjum börnunum okkar að það sé rangt að vera tilfinninganæmur, þá erum við að kenna þeim að það sé tákn um veikleika að sýna tilfinningar. Þessi setning kennir þeim að vanmeta tilfinningalega tjáningu annarra og innræta eigin tilfinningar sínar. Þess í stað ættum við að kenna börnunum okkar að virða tilfinningar annarra og skilja eigin tilfinningar og takast á við þær á ábyrgan hátt.

Vertu foreldrið sem þú vildir sjálf/ur eiga. Vertu foreldrið sem þú vilt að börnin þín verði. Það er allt í lagi að gera mistök, við erum öll mannleg, en ekki halda áfram að gera sömu mistökin aftur og aftur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Kylie Jenner deilir nektarmynd úr fríinu

Kylie Jenner deilir nektarmynd úr fríinu
Bleikt
Fyrir 3 dögum

Stjörnuspá vikunnar: Slúður og baktal – Ástarsorgin setur sitt mark á lífið

Stjörnuspá vikunnar: Slúður og baktal – Ástarsorgin setur sitt mark á lífið
Bleikt
Fyrir 5 dögum

Sara deilir myndum þar sem hún sýnir muninn á Instagram og raunveruleikanum

Sara deilir myndum þar sem hún sýnir muninn á Instagram og raunveruleikanum
Bleikt
Fyrir 5 dögum

Svona gerði Hildur Hlín upp pallinn – Sjáðu myndirnar

Svona gerði Hildur Hlín upp pallinn – Sjáðu myndirnar

Tarot Spil

Veldu þér spil og sjáðu spádóm þinn.