Alþingi samþykkti í gær að færa tíðarvörur og getnaðarvarnir í lægra skref virðisaukaskatts, úr 24 prósentum niður í 11 prósent. Þar með hefur verið afnuminn svonefndur bleikur skattur sem fólst í því að tíðarvörur og getnaðarvarnir voru skattlagðar sem munaðarvara í hærra þrepinu í stað þess að vera skattlagðar sem nauðsynjar. Þessu stóra skrefi má fagna. Af því tilefni taldi blaðamaður við hæfi að birta smá tíðargrín, enda oft grátbroslegar aðstæður sem geta komið upp, þann tíma mánaðarins.
Er hægt að vera dannaður samhliða því að færa til bindið ?
Þessir kettir, svo fagrir, en svo grimmir.
Hversu margar konur ætli hafi talað um túrbúbblur opinberlega ?
„Ég varð alltaf rosalega reið þegar ég heyrði menn gera grín af því að blæðingar gerðu konur óskynsamar, en svo mundi ég núna að á Viktoríutímanum var talið að borðfætur kæmu karlmönnum til, svo borðdúkar voru fundnir upp til að hylja fæturna svo karlmönnum risi ekki hold yfir kvöldverðinum. Ég græt kannski af ástæðulausu, en hins vegar hef ég aldrei fengið STANDPÍNU út af fokking borði.“
Stundum er ekkert skemmtilegt að hafa á klæðum, og margir bíða óþreyjufullir eftir að blæðingum ljúki.
„Einu sinni fékk ég svakalegar áhyggjur yfir því að hafa verið í 20 daga á blæðingum, en svo leit ég á dagatalið mitt og það höfðu aðeins liðið fjórar klukkustundir.“
„Túrnærbuxur hljóma kannski vel en þær geta þó engað veginn komið í staðinn fyrir adrenalínflæðið sem þú færð þegar þú fattar að þú ert búin að vera með sama túrtappann í 18 klukkustundir.“
Það mætti stundum halda það, en sem betur fer eru auglýsendur núna farnir að notast við rauðan vökva, svo vonandi mun næsta kynslóð ekki tengja tíðir við rúðuvökva.
„Ég hef tekið eftir því að margar túrtappategundir halda því fram að þær séu bestar fyrir virkan lífsstíl, en hvaða tegund er þá best fyrir að kúra upp sófa í fósturstellingunni ? ?“
„Stúlkur ættu alltaf að hafa túrtappa í fórum sínum því þá má nota sem vörn gegn óþroskuðum strákum. Þú hreinlega dregur upp einn tappa og þá kemur hræðsluglampi í augu hans og hann hörfar á aftur á bak. Byggðu vegg úr túrtöppum og enginn strákur mun komast yfir hann. Þeir hafa ekki kjarkinn í að brjótast í gegnum bómullarvegginn.“
„Kona ruddist fyrir framan mig í búðinni, í körfunni hennar voru túrtappar, rjómaís og vínflaska. Það hvarflaði ekki að mér að fara að ybba gogg við þær aðstæður.“
„Ef þú heldur að spurningin þín sé heimskuleg þá skaltu muna það að verkfræðingar NASA spurðu Sally Ride hvort að 100 túrtappar væru nóg fyrir 7 daga ferð.“
„Sendið bænir og góðar óskir til vasaþjófsins í sporvagninum sem laumaðist í vasann minn, tók þaðan túrtappa, varð miður sín af skömm og reyndi svo að skila honum aftur.“